كۇدىكتى 2016 جىلدان 2024 جىلعا دەيىن بيولوگيالىق بەلسەندى قوسپالاردى ساتامىن دەگەن جەلەۋمەن سالىمشىلاردى تارتىپ، ولارعا ءار جاڭا قاتىسۋشى ءۇشىن 10%-دان 300%-عا دەيىن تابىس ۋادە ەتكەنى انىقتالدى. سالىم سوماسى ماركەتينگتىك ستراتەگياعا بايلانىستى 7 500-دەن 2 ميلليون تەڭگەگە دەيىن وزگەرىپ وتىرعان. تارتىلعان قاراجاتتىڭ جالپى سوماسى 286 ميلليون تەڭگەدەن اسقان. ناتيجەسىندە كۇدىكتى قارجىلىق پيراميداعا 35 ادامدى تارتقان. بارلىق زارداپ شەككەندەر – جەڭىل تابىس تۋرالى قۇرعاق ۋادەگە سەنىپ قالعان زەينەتكەرلەر ەكەنىن اتاپ ءوتۋ كەرەك، ولار ءوز جيناقتارىنىڭ باسقا سالىمشىلار اراسىندا اقشا ءبولۋ سحەماسىنىڭ ءبىر بولىگىنە اينالاتىنىن سەزبەگەن.

قارجىلىق تەرگەۋ جۇرگىزۋ بارىسىندا كۇدىكتى زاڭسىز جولمەن الىنعان قاراجاتقا ەليتالىق تۇرعىن ءۇي كەشەنىنەن 36 ميلليون تەڭگە تۇراتىن پاتەر ساتىپ العانى انىقتالدى. سوتتىڭ سانكتسياسىمەن اتالعان پاتەرگە تىيىم سالىندى. سوت كۇدىكتىگە «ەشقايدا كەتپەۋ جانە ءتيىستى مىنەز-قۇلقى تۋرالى قولحات» تۇرىندەگى بۇلتارتپاۋ شاراسىن تاڭدادى. سوتقا دەيىنگى تەرگەۋ جالعاسۋدا.

قر قىجك-ءنىڭ 201-بابى بويىنشا، تەرگەۋ مۇددەسى ءۇشىن وزگە اقپارات جاريالاۋعا جاتپايدى.

ايتا كەتەيىك، اگەنتتىكتە قارجى پيراميدالارىنىڭ بەلگىلەرىن تەكسەرۋگە مۇمكىندىك بەرەتىن «Baiqa, piramida!» Telegram-بوتى ىسكە قوسۋلى.

ەگەر ءسىز نەمەسە جاقىندارىڭىز قارجى پيراميداسىنىڭ ارەكەتىنە تاپ بولسا، تۇرعىلىقتى جەرىڭىز بويىنشا ەكونوميكالىق تەرگەپ-تەكسەرۋ دەپارتامەنتىنە جۇگىنۋدى سۇرايمىز.

ازاماتتاردى ساق بولۋعا جانە كۇماندى قارجىلىق ۇيىمدارعا جيناقتارىن سالماۋعا شاقىرامىز