Küdıktı 2016 jyldan 2024 jylǧa deiın biologiialyq belsendı qospalardy satamyn degen jeleumen salymşylardy tartyp, olarǧa är jaŋa qatysuşy üşın 10%-dan 300%-ǧa deiın tabys uäde etkenı anyqtaldy. Salym somasy marketingtık strategiiaǧa bailanysty 7 500-den 2 million teŋgege deiın özgerıp otyrǧan. Tartylǧan qarajattyŋ jalpy somasy 286 million teŋgeden asqan. Nätijesınde küdıktı qarjylyq piramidaǧa 35 adamdy tartqan. Barlyq zardap şekkender – jeŋıl tabys turaly qūrǧaq uädege senıp qalǧan zeinetkerler ekenın atap ötu kerek, olar öz jinaqtarynyŋ basqa salymşylar arasynda aqşa bölu shemasynyŋ bır bölıgıne ainalatynyn sezbegen.

Qarjylyq tergeu jürgızu barysynda küdıktı zaŋsyz jolmen alynǧan qarajatqa elitalyq tūrǧyn üi keşenınen 36 million teŋge tūratyn päter satyp alǧany anyqtaldy. Sottyŋ sanksiiasymen atalǧan päterge tyiym salyndy. Sot küdıktıge «eşqaida ketpeu jäne tiıstı mınez-qūlqy turaly qolhat» türındegı būltartpau şarasyn taŋdady. Sotqa deiıngı tergeu jalǧasuda.

QR QIJK-nıŋ 201-baby boiynşa, tergeu müddesı üşın özge aqparat jariialauǧa jatpaidy.

Aita keteiık, Agenttıkte qarjy piramidalarynyŋ belgılerın tekseruge mümkındık beretın «Baiqa, piramida!» Telegram-boty ıske qosuly.

Eger Sız nemese jaqyndaryŋyz qarjy piramidasynyŋ äreketıne tap bolsa, tūrǧylyqty jerıŋız boiynşa Ekonomikalyq tergep-tekseru departamentıne jügınudı sūraimyz.

Azamattardy saq boluǧa jäne kümändı qarjylyq ūiymdarǧa jinaqtaryn salmauǧa şaqyramyz