قۇرمەتتى وتانداستار، ءبىز جىل سايىن 31 مامىر كۇنى وتكەن عاسىردىڭ ءبىرىنشى جارتىسىندا ساياسي قۋعىن-سۇرگىننىڭ قۇربانى بولعان ادامداردىڭ رۋحىنا تاعزىم ەتەمىز. ولاردى جادىمىزدا ساقتاۋ، زاڭدىلىق قاعيداتى مەن ادىلدىك قۇندىلىقتارىنا ادال بولۋ – ءبىزدىڭ قاستەرلى بورىشىمىز.

قازاقستاندا بارشا ازاماتتىڭ قۇقىقتارى مەن بوستاندىقتارىن جان-جاقتى قورعاۋ ءۇشىن جۇيەلى تۇردە جاعداي جاسالىپ جاتىر. مەملەكەتىمىزدىڭ وسى مىندەتى 15 ناۋرىزداعى جالپىۇلتتىق رەفەرەندۋم كەزىندە قابىلدانعان كونستيتۋتسيادا زاڭ جۇزىندە بەكىتىلدى. ءبىز ءبىر قوعام بولىپ، وزىق ويلى ەل قۇرۋ جولىنا بەت بۇردىق. بۇل – ەلىمىزدە ادىلدىك، زاڭدىلىق، وتانشىلدىق، ەڭبەكقورلىق، تابيعاتقا سۇيىسپەنشىلىك قاعيداتتارى ايرىقشا ماڭىزعا يە بولادى، سونداي-اق، عىلىمدى، جوعارى تەحنولوگيالاردى، مادەنيەتتى جانە ەرىكتىلەر قوزعالىسىن دامىتۋعا باسا ءمان بەرىلەدى دەگەن ءسوز.

قازىر بۇكىل الەم جۇرتى قازاقستاندى بارلىق سالادا تەك العا قاراي قادام باسىپ كەلە جاتقان ەل رەتىندە تانيدى. ءبىز بۇدان دا بيىك بەلەستەردى باعىندىرۋ ءۇشىن قوعامىمىزدىڭ ىنتىماق-بىرلىگى مەن تۇراقتىلىعىن نىعايتا بەرۋىمىز كەرەك.

قازاقستاننىڭ بولاشاعى ءاردايىم جارقىن بولماق! مەن بۇعان كامىل سەنەمىن. 

Akorda.kz