Qūrmettı otandastar, bız jyl saiyn 31 mamyr künı ötken ǧasyrdyŋ bırınşı jartysynda saiasi quǧyn-sürgınnıŋ qūrbany bolǧan adamdardyŋ ruhyna taǧzym etemız. Olardy jadymyzda saqtau, zaŋdylyq qaǧidaty men ädıldık qūndylyqtaryna adal bolu – bızdıŋ qasterlı boryşymyz.

Qazaqstanda barşa azamattyŋ qūqyqtary men bostandyqtaryn jan-jaqty qorǧau üşın jüielı türde jaǧdai jasalyp jatyr. Memleketımızdıŋ osy mındetı 15 nauryzdaǧy jalpyūlttyq referendum kezınde qabyldanǧan Konstitusiiada zaŋ jüzınde bekıtıldı. Bız bır qoǧam bolyp, ozyq oily el qūru jolyna bet būrdyq. Būl – elımızde Ädıldık, Zaŋdylyq, Otanşyldyq, Eŋbekqorlyq, Tabiǧatqa süiıspenşılık qaǧidattary airyqşa maŋyzǧa ie bolady, sondai-aq, ǧylymdy, joǧary tehnologiialardy, mädeniettı jäne erıktıler qozǧalysyn damytuǧa basa män berıledı degen söz.

Qazır bükıl älem jūrty Qazaqstandy barlyq salada tek alǧa qarai qadam basyp kele jatqan el retınde tanidy. Bız būdan da biık belesterdı baǧyndyru üşın qoǧamymyzdyŋ yntymaq-bırlıgı men tūraqtylyǧyn nyǧaita beruımız kerek.

Qazaqstannyŋ bolaşaǧy ärdaiym jarqyn bolmaq! Men būǧan kämıl senemın. 

Akorda.kz