قازاقستان رەسپۋبليكاسىنىڭ مادەنيەت جانە اقپارات ۆيتسە-ءمينيسترى ەۆگەني كوچەتوۆ «قازتەلەراديو» اق ۇجىمىنا جاڭا باسقارما توراعاسىن تانىستىردى، - دەپ جازىلعان ۆەدومستۆا تاراتقان اقپاراتتىق حابارلامادا. 

رۋيسلام ابىلقانۇلى نۇرداۋلەتتىڭ جوعارى زاڭ جانە ەكونوميكالىق ءبىلىمى بار. قىسقاشا اقپارات

ءال فارابي اتىنداعى قازاق ۇلتتىق ۋنيۆەرسيتەتىن «حالىقارالىق قۇقىق» ماماندىعى بويىنشا بىتىرگەن (2001 ج.).

قازاق ەكونوميكا، قارجى جانە حالىقارالىق ساۋدا ۋنيۆەرسيتەتىن «ەكونوميكا» ماماندىعى بويىنشا اياقتاعان (2008 ج.).

جالپى جۇمىس ءوتىلى 21 جىلدان استى، ونىڭ ىشىندە تەلەكوممۋنيكاتسيا سالاسىندا 10 جىلدان استام جۇمىس ىستەيدى. قىزمەت ىستەگەن جىلدارىندا رۋيسلام ابىلقانۇلى نۇرداۋلەت قر قارجى مينيسترلىگىندە، «قازاقستان تەلەكوممۋنيكاتسيالارى» اق (كاتەلكو), «قازمۇنايگاز» اق، «سامۇرىق-قازىنا» اق-دا جۇمىس ىستەپ، مەملەكەتتىك جانە كورپوراتيۆتىك قۇرىلىمداردا باسشى لاۋازىمداردى اتقاردى.

2011 جىلدان باستاپ «قازتەلەراديو» اق-ندا ءتۇرلى باسشىلىق لاۋازىمداردا جۇمىس ىستەيدى، ونىڭ ىشىندە:

مەملەكەتتىك ورگاندارمەن ءوزارا ءىس-قيمىل قىزمەتىنىڭ باستىعى;

فيليالدارمەن جانە مەملەكەتتىك ورگاندارمەن جۇمىس دەپارتامەنتىنىڭ ديرەكتورى;

باسقارما توراعاسىنىڭ كەڭەسشىسى;

مەملەكەتتىك ورگاندارمەن جۇمىس جونىندەگى باسقارۋشى ديرەكتور.