تجم قىزمەتكەرلەرى Hytera باسشىلىعىمەن جۇمىس كەزدەسۋى وتكەن كومپانيانىڭ باس شتاب-پاتەرىنە بولدى. كەزدەسۋ كەزىندە جەدەل دايىندىقتى كۇشەيتۋ جانە ازاماتتىق قورعاۋ سالاسىنداعى قاۋىپسىزدىكتى ارتتىرۋ ءۇشىن كومپانيا جابدىقتارىن قولدانۋ مۇمكىندىكتەرى تالقىلاندى. "جاقىندا تجم-ءنىڭ اۆياتسيانى قولدانا وتىرىپ، بيىك عيماراتتاعى ءورتتى ءسوندىرۋ بويىنشا وقۋ-جاتتىعۋى بورتتارمەن بايلانىستا بولۋدىڭ قانشالىقتى ماڭىزدى ەكەنىن كورسەتتى. ۆەدومستۆو باسشىسى بىزگە ونلاين، سونىڭ ىشىندە تۇنگى ۋاقىتتا راديو جانە بەينە سيگنال بەرۋ ءۇشىن قولدا بار بورتتاردى جەتىلدىرۋدى تاپسىردى. ءبىز Hytera كومپانياسىمەن ىنتىماقتاستىق مۇمكىندىكتەرىن جوعارى باعالايمىز جانە سەرىكتەستىگىمىز قازاقستانداعى توتەنشە جاعدايلار كەزىندە بايلانىس ساپاسىن جانە جەدەل دەن قويۋدى ايتارلىقتاي جاقسارتۋعا كومەكتەسەتىنىنە سەنىمدىمىز", – دەپ قازاقستان تج ۆيتسە-ءمينيسترى اتاپ ءوتتى.
كەلىسسوزدەردىڭ قورىتىندىسى بويىنشا 43 بازالىق ستانتسيانى جەتكىزۋ شارتتارىن ەگجەي-تەگجەيلى تالقىلاۋ ءۇشىن ودان ءارى جۇمىس كەزدەسۋلەرىن وتكىزۋ تۋرالى ۋاعدالاستىققا قول جەتكىزىلدى. بۇل قازاقستاننىڭ 49 قالاسى مەن بارلىق اۋداندارىندا بىرىڭعاي جەدەل بايلانىس ۇيىمداستىرۋعا مۇمكىندىك بەرەدى.
