قر سىرتقى ساياسي ۆەدومستۆوسىنىڭ باسشىسى قازاق-بەلورۋس ستراتەگيالىق سەرىكتەستىگىنىڭ دەڭگەيىن جوعارى باعالاپ، پ. ۋتيۋپينگە قازاقستان مەن بەلارۋس اراسىنداعى ەكىجاقتى قاتىناستاردى ودان ءارى نىعايتۋعا كۇش سالعانى ءۇشىن العىسىن ءبىلدىردى.
ءوز كەزەگىندە بەلارۋس ەلشىسى قازاقستاندا بولعان كەزىندە وعان كورسەتكەن تۇراقتى قولداۋى ءۇشىن تەرەڭ ريزاشىلىعىن ءبىلدىرىپ، قازاق-بەلورۋس قاتىناستارىنىڭ ۇدەمەلى دامۋىنا سەنىم ءبىلدىردى.
كەزدەسۋ سوڭىندا مينيستر م. نۇرتىلەۋ قر پرەزيدەنتى قاسىم-جومارت توقاەۆتىڭ اتىنان ەلشى پ. ۋتيۋپينگە ەكىجاقتى قارىم-قاتىناستاردى نىعايتۋعا قوسقان زور ۇلەسى ءۇشىن العىس حاتىن تاپسىرىپ، ونىڭ كاسىبي قىزمەتىنە تابىس تىلەدى.
