ءوز سوزىندە ول قازاقستاننىڭ 2060 جىلعا قاراي كومىرتەگى بەيتاراپتىعىنا قول جەتكىزۋگە ۇمتىلىسىن اتاپ ءوتىپ، جاڭارتىلاتىن ەنەرگيا كوزدەرىن دامىتۋ، مەتان شىعارىندىلارىن ازايتۋ جانە ءداستۇرلى ەنەرگەتيكانى جاڭعىرتۋ بويىنشا قابىلدانىپ جاتقان شارالار تۋرالى باياندادى. قازاقستان 2035 جىلعا دەيىن 26 گۆت جاڭا قۋات كوزدەرىن ىسكە قوسۋدى جوسپارلاپ وتىر، ونىڭ تورتتەن ءبىرى جاڭارتىلاتىن كوزدەر ەسەبىنەن بولماق.

فورۋمدا مۇناي-گاز سالاسى مەن مۇناي-حيميا كلاستەرىن كەڭەيتۋگە دە ەرەكشە نازار اۋدارىلدى. بۇل باعىتتا حالىقارالىق كومپانيالاردىڭ قاتىسۋىمەن ءىرى جوبالار جۇزەگە اسىرىلۋدا. قازاقستان ءوندىرىستى جەرگىلىكتەندىرۋدى بەلسەندى ىلگەرىلەتۋدە – قازىردىڭ وزىندە يتاليالىق PetrolValves كومپانياسىن قوسا العاندا، الەمدىك جەتەكشى كومپانيالارمەن بىرلەسكەن جوبالار ىسكە قوسىلعان.

قازاقستان ۇكىمەتى ينۆەستورلار ءۇشىن قولايلى جاعداي جاساۋدا – سالىقتىق جەڭىلدىكتەر، «ءبىر تەرەزە» جانە «جاسىل ءدالىز» مەحانيزمدەرى قاراستىرىلعان.

يتاليا – قازاقستان ءۇشىن تەحنولوگيالىق ءارى ينۆەستيتسيالىق ماڭىزدى سەرىكتەس. ەنەرگەتيكا سالاسىنداعى ىنتىماقتاستىقتى ودان ءارى دامىتۋدا بۇل ەلدىڭ الەۋەتى زور.

فورۋم قازاقستاندا بىرلەسكەن جوبالاردى جۇزەگە اسىرۋعا يتاليالىق بيزنەستى تارتۋعا جانە ەكىجاقتى ىنتىماقتاستىقتى تەرەڭدەتۋگە ماڭىزدى الاڭعا اينالدى.