استانادا 1 مامىر – قازاقستان حالقىنىڭ بىرلىگى كۇنىنە وراي جەتىسۋ ساياباعىندا اۋقىمدى مەرەكەلىك ءىس-شارا ۇيىمداستىرىلدى. قالا تۇرعىندارى مەن قوناقتارى جينالعان بۇل مادەني كەش دوستىق پەن تاتۋلىقتىڭ، بىرلىك پەن ءوزارا قۇرمەتتىڭ جارقىن كورىنىسىنە اينالدى

اشىق اسپان استىندا وتكەن كونتسەرتتە ءارتۇرلى ەتنوس وكىلدەرىنىڭ مادەنيەتى مەن ونەرى كورىنىس تاپتى. كورەرمەندەرگە ۆوكالدىق نومىرلەر، ۇلتتىق جانە ەتنيكالىق بيلەر، سونداي-اق ساحنالىق قويىلىمدار ۇسىنىلدى.

ساحنادا ونەر كورسەتكەن ارتىستەر كوپشىلىكتىڭ كوڭىلىنەن شىقتى. اسىرەسە «التىن ۇرپاق بي ءانسامبلى مەن «حازار» شىعارماشىلىق ۇجىمى ءوز ونەرلەرىمەن ەرەكشە اسەر قالدىردى. سونىمەن قاتار، كاۆكاز حالىقتارىنىڭ بيلەرى، گاۆاي ءبيى، ليريكالىق اندەر مەن اسەرلى فينالدىق ءنومىر كورەرمەندەردىڭ ىستىق ىقىلاسىنا بولەندى.

ءىس-شارا بارىسىندا تەك كونتسەرتتىك باعدارلاما عانا ەمەس، ءتۇرلى ويىندار مەن بايقاۋلار دا ۇيىمداستىرىلىپ، قوناقتارعا كوتەرىڭكى كوڭىل كۇي سىيلادى. بۇل شارا بالالار مەن ەرەسەكتەر ءۇشىن قىزىقتى ءارى ەستە قالارلىقتاي ءوتتى.

ۇيىمداستىرۋشىلاردىڭ ايتۋىنشا، مۇنداي مەرەكەلىك باعدارلامالار ەلىمىزدەگى مادەنيەتتى ناسيحاتتاپ، حالىقتار اراسىنداعى دوستىق پەن بىرلىكتى نىعايتۋعا باعىتتالعان.