Astanada 1 mamyr – Qazaqstan halqynyŋ bırlıgı künıne orai Jetısu saiabaǧynda auqymdy merekelık ıs-şara ūiymdastyryldy. Qala tūrǧyndary men qonaqtary jinalǧan būl mädeni keş dostyq pen tatulyqtyŋ, bırlık pen özara qūrmettıŋ jarqyn körınısıne ainaldy

Aşyq aspan astynda ötken konsertte ärtürlı etnos ökılderınıŋ mädenietı men önerı körınıs tapty. Körermenderge vokaldyq nömırler, ūlttyq jäne etnikalyq biler, sondai-aq sahnalyq qoiylymdar ūsynyldy.

Sahnada öner körsetken ärtıster köpşılıktıŋ köŋılınen şyqty. Äsırese «Altyn Ūrpaq bi ansamblı men «HAZAR» şyǧarmaşylyq ūjymy öz önerlerımen erekşe äser qaldyrdy. Sonymen qatar, Kavkaz halyqtarynyŋ bilerı, gavai biı, lirikalyq änder men äserlı finaldyq nömır körermenderdıŋ ystyq yqylasyna bölendı.

Is-şara barysynda tek konserttık baǧdarlama ǧana emes, türlı oiyndar men baiqaular da ūiymdastyrylyp, qonaqtarǧa köterıŋkı köŋıl küi syilady. Būl şara balalar men eresekter üşın qyzyqty ärı este qalarlyqtai öttı.

Ūiymdastyruşylardyŋ aituynşa, mūndai merekelık baǧdarlamalar elımızdegı mädeniettı nasihattap, halyqtar arasyndaǧy dostyq pen bırlıktı nyǧaituǧa baǧyttalǧan.