انەليا ءالىموۆا بۇل ماراپاتقا جاھاندىق ءسان جانە ونەر ورتالىعىندا شىعارماشىلىق پەن يننوۆاتسيانى ىلگەرىلەتۋگە قوسقان ەلەۋلى ۇلەسى ءۇشىن يە بولعان.

ماراپاتتى بەلگىلى مەتسەنات جانە قوعام قايراتكەرى Jean Shafiroff ءوز قولىمەن تابىستادى.

«بۇل مەنىڭ 3 جىل بويى ۇيقىسىز، تىنىمسىز ەڭبەگىمنىڭ ناتيجەسى»، – دەدى انەليا ءالىموۆا.

انەليا – اقش-قا ەينشتەين ۆيزاسى ارقىلى كەلگەن تۇڭعىش قازاق. ول – People Awards نۇسقاسى بويىنشا حالىقارالىق بيزنەس-ساراپشى، حالىقارالىق عىلىمي ماقالالاردىڭ اۆتورى، «الەمدەگى ەڭ تابىستى توپ-30 ايەل» تىزىمىنە ەنگەن قازاق قىزى.

بۇگىندە ول Anelya Alim New York كوسمەتيكا برەندىن (اقش ءوندىرىسى) قالىپتاستىرىپ، نيۋ-يوركتەگى ماكياج مەكتەبىنىڭ نەگىزىن قالاعان. كوسمەتيكا برەندى ارقىلى ول بۇكىلالەمدىك تhe makeup shou كورمەسىندە بوببي براۋن، دانەسسا ميريك، ماكياج اكادەمياسىمەن ءبىر كورمەدە ماكياج جاساۋدىڭ قىر-سىرىن كورسەتكەن. New York Fashion Week ءسان شوۋىن، وسى سياقتى 16 شوۋ ۇيىمداستىرعان. الەمگە ايگىلى امەريكالىق ءانشى بەيونسەنىڭ پروديۋسەرىمەن بىرگە جۇمىس ىستەگەن.

ايتا كەتسەك، EB-1 ۆيزاسى نەمەسە ەينشتەين ۆيزاسى – شەتەلدىك دارىندى دارىگەرلەرگە، عالىمدارعا، سپورتشىلارعا، مادەنيەت قايراتكەرلەرىنە جانە تابىستى كاسىپكەرلەرگە ارنالعان ۆيزا.

انەليا الىموۆامەن بۇعان دەيىنگى سۇحباتتى وسى جەردەن وقي الاسىزدار.