اتىراۋ وبلىسىندا قاشاعان كەن ورنىنان سۇيىتىلعان مۇناي گازىن (سمگ) الۋ، تاسىمالداۋ جانە فراكتسيالاۋ زاۋىتى جوباسىنىڭ قۇرىلىس جۇمىستارى باستالدى. جوبانى ىسكە اسىرۋ ىشكى نارىقتى سمگ-مەن تۇراقتى قامتاماسىز ەتۋگە جانە گاز موتور وتىنى تاپشىلىعىن ازايتۋعا باعىتتالعان.

جوبا قازاقستان رەسپۋبليكاسى ەنەرگەتيكا مينيسترلىگى مەن سولتۇستىك كاسپي جوباسى بويىنشا ءونىمدى ءبولۋ تۋرالى كەلىسىم اياسىندا مەردىگەر كومپانيالار اراسىنداعى كەلىسىمدەر نەگىزىندە جۇزەگە اسىرىلۋدا. 2024 جىلى «QazaqGaz» اق مەن «نورتكاسپيان وپەرەيتينگ كومپاني» جشس اراسىندا سمگ ساتۋ-ساتىپ الۋ شارتىنا قول قويىلىپ، جوبانىڭ جول كارتاسى بەكىتىلدى.

قازىرگى تاڭدا نولدىك تسيكل جۇمىستارى جۇرگىزىلۋدە: جابدىققا ىرگەتاس قالاۋ، عيماراتتار مەن ينفراقۇرىلىم سالۋ جۇمىستارى اتقارىلۋدا. ىشكى نارىققا ودان ءارى وتكىزۋ ءۇشىن گازدىڭ العاشقى لەگىن قابىلداۋ 2025 جىلعى جەلتوقسانعا جوسپارلانعان.

جوبا ەلدىڭ ەنەرگەتيكالىق قاۋىپسىزدىگى ءۇشىن ستراتەگيالىق ماڭىزعا يە جانە گاز وڭدەۋ سالاسىنىڭ دامۋىنا ەلەۋلى ۇلەس قوسادى.