Atyrau oblysynda Qaşaǧan ken ornynan sūiytylǧan mūnai gazyn (SMG) alu, tasymaldau jäne fraksiialau zauyty jobasynyŋ qūrylys jūmystary bastaldy. Jobany ıske asyru ışkı naryqty SMG-men tūraqty qamtamasyz etuge jäne gaz motor otyny tapşylyǧyn azaituǧa baǧyttalǧan.

Joba Qazaqstan Respublikasy Energetika ministrlıgı men Soltüstık Kaspii jobasy boiynşa önımdı bölu turaly kelısım aiasynda merdıger kompaniialar arasyndaǧy kelısımder negızınde jüzege asyryluda. 2024 jyly «QazaqGaz» AQ men «NortKaspian Opereiting Kompani» JŞS arasynda SMG satu-satyp alu şartyna qol qoiylyp, jobanyŋ Jol kartasy bekıtıldı.

Qazırgı taŋda nöldık sikl jūmystary jürgızılude: jabdyqqa ırgetas qalau, ǧimarattar men infraqūrylym salu jūmystary atqaryluda. Işkı naryqqa odan ärı ötkızu üşın gazdyŋ alǧaşqy legın qabyldau 2025 jylǧy jeltoqsanǧa josparlanǧan.

Joba eldıŋ energetikalyq qauıpsızdıgı üşın strategiialyq maŋyzǧa ie jäne gaz öŋdeu salasynyŋ damuyna eleulı üles qosady.