بۇل - 5000 - نان اسا ادام جەرلەنگەن قاسيەتتى مەكەن. مۇندا كەزىندە ءسىبىردى بيلەگەن شىڭعىس قاعاننىڭ سوڭعى ۇرپاعى كوشىم حان باتىرلارى، اقتابان شۇبىرىندى قۇرباندارى، كەنەسارى ساربازدارى، اشارشىلىق پەن رەپرەسسيا، ۇوس ارداگەرلەرى ماڭگىلىك تىنىس تاپقان. 

جاۋاپتى مامانداردىڭ ايتۋىنشا، جوبا العاش 2010 جىلى بەكىتىلگەن. قازىر ونى زامان تالابىنا ساي قايتا قاراۋ كوزدەلۋدە. ۇكىمەت باسشىسىنىڭ كەڭەسشىسى ەرالى توعجانوۆ،  "بۇل نىسان - تەك مۇسىلمان ەمەس، ءتۇرلى ۇلتتار جەرلەنگەن ورتاق رۋحانيات ورنى. سوندىقتان دا، استانانىڭ كوركەم بولمىسىمەن ۇندەسۋى قاجەت" -  دەگەن پىكىردى العا تارتادى. 

ال، استانا قالاسىنىڭ بەلسەندى تۇرعىنى تولەگەن قۋانىشەۆتىڭ ايتۋىنشا، "قۇرىلىستان بۇرىن، بۇل  - زيارات ورنى. مۇندا ىزگىلىك پەن تاريح توعىسۋى ماڭىزدى " - دەگەن ۇستانىم باستى نازاردا بولۋى قاجەت.

ءمۇسىنشى باۋىرقان جالىن مەن عالىمدار قارا شاڭىراق بەينەسىندەگى مونۋمەنت، تايقازان كوشىرمەسى، تابيعي قورعان -  شىرشا مەن تەرەك وتىرعىزۋ يدەياسىن ۇسىندى. ال، ەرزات جەتىباي تاريحي دەرەكتەر QR-كودپەن كورسەتىلەتىن سايت بولسىن دەيدى.  ال، اباي نايمانوۆ ، "يگى ءىستىڭ باسىندا جاستار، قاسىندا حالىق بولسىن!"  -  دەپ، كاسىپكەرلەر مەن قۇرىلىسشىلاردى قولداۋعا شاقىردى. 

بۇل تەك قورىم ەمەس - رۋح پەن ۇرپاق ساباقتاستىعىنىڭ كيەلى مەكەنى.

اكىمدىكتىڭ ءباسپاسوز قىزمەتى