الدىن الا مالىمەتتەر بويىنشا Toyota Alphard ماركالى اۆتوكولىك جۇرگىزۋشىسى الماتىدان قاراعاندىعا قاراي قوزعالىپ كەلە جاتىپ، جولدان شىعىپ كەتىپ، كولىك جول شەتىنە اۋدارىلعان. جول اپاتى سالدارىنان جەتى ادام (ونىڭ ىشىندە ەكى بالا) قايتىس بولدى. تاعى ءبىر ادام ءارتۇرلى جاراقات الىپ، جاقىن ماڭداعى اۋرۋحاناعا جەتكىزىلدى. تەكسەرىس بارىسىندا جولدىڭ ۋچاسكەسى نورماتيۆتىك تالاپتارعا ساي ەكەنى انىقتالدى. I-ب تەحنيكالىق ساناتتاعى جولدىڭ ءار باعىتىندا ەكى قوزعالىس جولاعى بار، جولدىڭ ورتاسىندا قورشاۋ ورناتىلعان. جول جابىندىسى تەگىس، اسفالتبەتوننان جاسالعان. وسى ۋچاسكەدە كورىنۋ دەڭگەيى شەكتەلمەگەن، ءجۇرىس بولىگى تازا بولعان. جول بەلگىلەرى مەن قوزعالىستى ۇيىمداستىرۋ اكىمشىلىك پوليتسيا باسقارماسىمەن كەلىسىلگەن. وقيعا كەزىندە اۋا رايى بۇلتتى، قار تۇرىندەگى ازداعان جاۋىن-شاشىن بولعان.

«قازاۆتوجول» ۇلتتىق كومپانياسى مارقۇمداردىڭ جاقىندارى مەن تۋىستارىنا كوڭىل ايتادى. جاراقات العان جولاۋشىنىڭ تەزىرەك ساۋىعىپ كەتۋىنە تىلەكشىمىز.

بارلىق جۇرگىزۋشىلەرگە جىلدامدىق رەجيمىن ساقتاۋعا شاقىرامىز. الدىن الا اۋا رايى جانە جولدىڭ جاعدايىن ەسكەرۋلەرىڭىزدى سۇرايمىز دەلىنگەن بەينە حابارلامادا.