رەسمي اقپاراتقا قاراعاندا، 23 قاڭتار كۇنى، ساعات 10:30-دا ەكاتەرينبۋرگ-الماتى اۆتوجولىنىڭ قايتا جاڭارتۋ ۋچاسكەسىندە بالقاشتان قاراعاندى قالاسىنا كولىك قوزعالىسى اشىلعان.

"اۋا رايىنىڭ جاقسارۋىنا جانە كولىكتەردىڭ جينالىپ قالۋىنا بايلانىستى وسىنداي شەشىم قابىلداندى. قاراعاندى وبلىستىق پوليتسيا دەپارتامەنتىنىڭ جانە قازاۆتوجول قىزمەتكەرلەرىنىڭ سۇيەمەلدەۋىمەن قوزعالىس ۇيىمداستىرىلدى. وسى ۋچاسكەنىڭ 1630 شاقىرىمىندا ساعات 12:30-دا 19 جەڭىل كولىكتىڭ قاتىسۋىمەن جول-كولىك وقيعاسى ورىن العان. وقيعا ورنىندا تجم قىزمەتكەرلەرى جانە جەدەل جاردەم قىزمەتى جۇيەلى جۇمىس ىستەپ جاتىر. بۇل جول-كولىك وقيعاسىنا قاتىسۋشىلار كولوننالىق قوزعالىسقا قاتىسپاعان",- دەلىنگەن اقپاراتتا.

اقپاراتتا جول-كولىك وقيعاسىنىڭ الدىن الا سەبەپتەرىنىڭ ءبىرى رەتىندە – جىلدامدىق رەجيمىن جانە قاۋىپسىز اراقاشىقتى ساقتاماۋ دەپ كورسەتىلگەن.