استانالىق كوماندا بيىل چەمپيوندىق اتاققا قول سوزۋدى الدىنا ماقسات ەتىپ وتىر. سوندىقتان ءاربىر كەزدەسۋدە جەڭىسكە جەتۋ جولىن ىزدەپ كەلەدى. كوماندا بۇگىن باس جۇلدەگە قول سوزىپ جۇرگەن «اقتوبەمەن» كەزدەسۋدە دە سەنىمدى تۇردە ويىن كورسەتتى.

ماتچ بارىسىندا ۋسمان كامارا 8, نازمي گريپشي 17-مينۋتتا مەرگەندىك تانىتتى. وعان اقتوبەلىك كلۋب جاۋاپ قايىرا العان جوق.

وسىلايشا «استانا» قارسىلاسىنان 2:0 ەسەبىمەن ءتۇسىپ، تۋرنير كەستەسىندە ەكىنشى ورىنعا كوتەرىلدى. كوش باسىندا 22 ويىننان كەيىن 41 ۇپاي جيناعان الماتىلىق «قايرات» كەلەدى. ودان ءبىر ويىن كەم وتكىزگەن «استانانىڭ» 40 ۇپايى بار.

باس جۇلدە تاعدىرىن الداعى ويىندار شەشەدى. ەندى «قايرات» 2 قاراشادا ءوز الاڭىندا «ورداباسىنى» قابىلداسا، 10 قاراشادا سىرت الاڭدا «اتىراۋمەن» شەبەرلىك بايقاسادى. ال «استانا» ءوز الاڭىندا 31 قازاندا «اتىراۋدى»، 10 قاراشادا «جەتىسۋدى» قابىلداسا، 3 قاراشادا سىرت الاڭدا «توبىلمەن» وينايدى.

سونداي-اق 27 قازاندا «قايسار» «تۇراندى» 1:0 ەسەبىمەن جەڭسە، «شاحتەر» مەن «قىزىلجار» 1:1 ەەسبىمەن تەڭ ءتۇستى.

ال 26 قازاندا «ەلىماي» «اتىراۋعا» 0:1, «جەتىسۋ» «قايراتقا»، «ورداباسى» «جەڭىسكە» 1:2 ەسەبىمەن جول بەردى.