جازعى دەمالىس قارساڭىندا الماتى پوليتسياسى جاسوسپىرىمدەر مەن ولاردىڭ اتا-انالارىنا ماڭىزدى ەسكەرتۋمەن جۇگىندى. دەمالىس ۋاقىتى قايعىلى وقيعاعا اينالماۋى كەرەك. الماتى قالالىق پد ەسىرتكى قىلمىسىنا قارسى كۇرەس باسقارماسىنىڭ باستىعى مۇرات جۇماباەۆ اتاپ وتكەندەي، جاز - ەركىندىك، جاڭا تاجىريبە، مۇمكىندىكتەر.
- بىراق اباي بولىڭىز! بۇگىنگى كۇنى جاسوسپىرىمدەرگە "جەڭىل اقشا" ۇسىنىلادى - مۇنىڭ ارتىندا اۋىر قىلمىستار، اسىرەسە ەسىرتكىگە بايلانىستى بولۋى مۇمكىن. كوبىنەسە قانداي دا ءبىر بايلامدى بىرەۋگە بەرۋدى نەمەسە جاسىرۋدى سۇرايدى. ەسىڭىزدە بولسىن: بۇل - قىلمىس. ال 16 جاستان باستاپ مۇنداي ارەكەتتەر ءۇشىن قىلمىستىق جاۋاپكەرشىلىك تۋىندايدى. بۇل سوت، سوتتىلىق جانە بۇلىنگەن تاعدىر. جاز - تاۋەكەلگە بارۋعا سەبەپ ەمەس، كەرىسىنشە، ءوسۋ، سپورتپەن شۇعىلدانۋ، شىعارماشىلىقپەن اينالىسۋ، ەرىكتى بولۋ. وزىڭىزگە جانە دوستارىڭىزعا قامقورلىق جاساڭىز. ەسىرتكىگە جوق دەڭىز!، - دەدى مۇرات جۇماباەۆ.
