ەسكە سالايىق، سوت قاۋلىسىمەن ونىڭ ۇلىنا باس بوستاندىعىن شەكتەۋ جازاسى تاعايىندالدى. ول العاش رەت ءتارتىپ بۇزىپ وتىرعان جوق.
جۋرناليستەر دەپۋتاتتان ۇلىنىڭ الماتىعا تويعا بارعانىن بىلە مە دەگەن سۇراق قويىلدى.
"بىلگەن جوقپىن. بۇل ىسكە ارالاسقىم كەلمەيدى. جاس قوي ءالى... ونىمەن ۇنەمى سويلەسەتىنمىن. قاي اكە بالاسىنىڭ جامان بولعانىن قالايدى؟ ارينە، بۇل تۋرالى ويلايمىن. ءبىز وعان قولىمىزدان كەلگەننىڭ ءبارىن جاسادىق، بىراق نەگە جانە قالاي بولعانىن بىلمەيمىن. جاسى نەبارى 21 جاستا بولسا دا سوڭىنان اڭدىپ ءجۇر. ەگەر ونىڭ پسيحيكاسىنا زارداپ تيسە، كىم جاۋاپتى؟ سوندىقتان ايتارىم: مەنىڭ بالام وتە جاقسى، تاربيەلى. ەندى دوستارىمەن ارالاسا الماي ما؟ تۋعان كۇن كەشىنە بارۋعا بولماي ما؟ بۇل تۋرالى قاتتى الاڭدايمىن. بالامنىڭ دەنساۋلىعى دا الاڭداتادى", - دەدى تۇرلىحانوۆ ءماجىلىس كۋلۋارىندا.
ەستەرىڭىزگە سالساق، پروباتسيالىق باقىلاۋدا بولعان نۇراسىل بولاتتتىڭ الماتىدا تۇندە تويدا جۇرگەن ۆيدەوسى الەۋمەتتىك جەلىدە تاراعان بولاتىن.
