داريعا تىلەنديەۆا 1946 جىلى الماتى وبلىسىنا قاراستى كوكسۋ اۋدانى، بۇرىنعى اقتەكشە اۋدانىندا دۇنيەگە كەلگەن. 

«قازاقفيلم» كينوستۋدياسىندا تۇسىرىلگەن «التى جاسار الپامىس»، «قۇلاگەر»، «اق ماشينا»، «جامبىلدىڭ جاستىق شاعى»، «قوشتاسقىم كەلمەيدى» سىندى كوركەم فيلمدەرگە تۇسكەن.

- قازاقستاننىڭ ەڭبەك سىڭىرگەن ءارتىسى، تالانتتى اكتريسا، كۇيشى، سازگەر، حالىق قاھارمانى نۇرعيسا تىلەنديەۆتىڭ جارى داريعا تىلەنديەۆانىڭ ومىردەن وزۋىنا بايلانىستى قايعىرا كوڭىل ايتامىز. داريعا تىلەنديەۆا ۇلتتىق مادەنيەتىمىزدىڭ دامۋىنا سۇبەلى ۇلەس قوسقان كورنەكتى ونەر يەسى. ول حالىق قاھارمانى، كۇيشى-كومپوزيتور نۇرعيسا تىلەنديەۆتىڭ ومىرلىك جارى عانا ەمەس، سازگەردىڭ شىعارماشىلىق مۇراسىن ساقتاپ، كەيىنگى ۇرپاققا جەتكىزگەن تۇلعا بولدى. ونىڭ ونەرى مەن رۋحاني مۇراسى قازاق حالقىنىڭ جۇرەگىندە ماڭگى ساقتالادى، – دەپ جازدى قۇرمانعازى وركەسترىنىڭ ۇجىمى.