الماتى قالاسىنداعى نازارباەۆ زياتكەرلىك مەكتەبىندە ورىن العان جاعدايعا بايلانىستى وقۋشىمەن، اتا-انالارمەن جانە پەداگوگيكالىق ۇجىممەن كەزدەسۋ وتكىزدىم. تالقىلاۋعا سونداي-اق وقۋ-اعارتۋ مينيسترلىگىنىڭ وكىلدەرى، وڭىرلىك بالا قۇقىقتارى جونىندەگى ۋاكىل مەن قوعامدىق كەڭەستىڭ مۇشەلەرى قاتىستى.
كەزدەسۋ بارىسىندا بۇعان دەيىن قابىلدانعان شەشىم قايتا قارالىپ، تاراپتار ءوزارا تۇسىنىستىككە كەلدى. نازارباەۆ زياتكەرلىك مەكتەبى ءوز شەشىمىن وزگەرتپەيدى، وقۋشى مەكتەپتەن شىعارىلىپ، مەملەكەتتىك جالپى ءبىلىم بەرەتىن مەكتەپكە اۋىستىرىلدى. وقۋشىنىڭ اتا-اناسى تاراپىنان ەشقانداي قارسىلىق جوق.
نازارباەۆ زياتكەرلىك مەكتەپتەرى شاكىرتتەرگە ءاردايىم قۇرمەتپەن قاراپ، قولداۋ كورسەتۋدى جانە ءوزارا سىيلاستىققا نەگىزدەلگەن سىندارلى قارىم-قاتىناستى باستى قاعيدا رەتىندە ۇستانادى. دەگەنمەن، مۇعالىمدەرگە قۇرمەتپەن قاراۋ – مەكتەپ ءۇشىن وزگەرمەيتىن جانە قاتاڭ ساقتالاتىن تالاپ.
قوعامنىڭ بۇل ماسەلەگە بەيجاي قاراماي، بەلسەندىلىك تانىتقانىنا العىس بىلدىرەمىن. ءبىز كەرى بايلانىستى جانە اشىق ديالوگتى جوعارى باعالايمىز.
سونداي-اق قر وقۋ-اعارتۋ مينيسترىنە، مينيسترلىك وكىلدەرىنە جانە بالا قۇقىقتارى جونىندەگى ۋاكىلدەرگە اتالعان جاعدايعا ءجىتى كوڭىل ءبولىپ، قولداۋ كورسەتكەندەرى ءۇشىن ريزاشىلىعىمدى بىلدىرەمىن.
