Almaty qalasyndaǧy Nazarbaev Ziiatkerlık mektebınde oryn alǧan jaǧdaiǧa bailanysty oquşymen, ata-analarmen jäne pedagogikalyq ūjymmen kezdesu ötkızdım. Talqylauǧa sondai-aq Oqu-aǧartu ministrlıgınıŋ ökılderı, öŋırlık bala qūqyqtary jönındegı uäkıl men qoǧamdyq keŋestıŋ müşelerı qatysty.
Kezdesu barysynda būǧan deiın qabyldanǧan şeşım qaita qaralyp, taraptar özara tüsınıstıkke keldı. Nazarbaev Ziiatkerlık mektebı öz şeşımın özgertpeidı, oquşy mektepten şyǧarylyp, memlekettık jalpy bılım beretın mektepke auystyryldy. Oquşynyŋ ata-anasy tarapynan eşqandai qarsylyq joq.
Nazarbaev Ziiatkerlık mektepterı şäkırtterge ärdaiym qūrmetpen qarap, qoldau körsetudı jäne özara syilastyqqa negızdelgen syndarly qarym-qatynasty basty qaǧida retınde ūstanady. Degenmen, mūǧalımderge qūrmetpen qarau – mektep üşın özgermeitın jäne qataŋ saqtalatyn talap.
Qoǧamnyŋ būl mäselege beijai qaramai, belsendılık tanytqanyna alǧys bıldıremın. Bız kerı bailanysty jäne aşyq dialogty joǧary baǧalaimyz.
Sondai-aq QR Oqu-aǧartu ministrıne, ministrlık ökılderıne jäne bala qūqyqtary jönındegı uäkılderge atalǧan jaǧdaiǧa jıtı köŋıl bölıp, qoldau körsetkenderı üşın rizaşylyǧymdy bıldıremın.
