باس ءمۇفتي ناۋرىزباي قاجى تاعانۇلىنىڭ توراعالىعىمەن وتكەن قمدب تورالقا ماجىلىسىندە الدا كەلە جاتقان قاسيەتتى رامازان ايى، سول كەزدەگى ءپىتىر ساداقا سۇراقتارى قامتىلدى. ءپىتىر ساداقا مولشەرى ەلىمىز بويىنشا ەكى كەلى ۇننىڭ ورتاشا باعاسى نەگىزىندە 655 تەڭگە بولىپ بەكىتىلدى.
"قازاقستان مۇسىلماندارى ءدىني باسقارماسىنىڭ شاريعات جانە ءپاتۋا ءبولىمى تۇركى مەملەكەتتەرى ۇيىمىنا قاراستى مۇفتيلەر القاسى جانىنداعى ءپاتۋا كەڭەسىمەن اقىلداسا كەلە، بيىلعى رامازان ايىنىڭ باستالاتىن كۇنىن بەكىتتى. ورتاق پاتۋاعا سايكەس، قاسيەتتى رامازان ايى 1 ناۋرىزدا باستالادى. ال ناۋرىز ايىنىڭ 26-نان 27-نە قاراعان ءتۇن – قاسيەتتى قادىر ءتۇنى. 30 ناۋرىز – ورازا ايت مەرەكەسى" - دەلىنگەن حابارلامادا.
ەلىمىزدىڭ بارلىق ءوڭىر، قالا، اۋدان جانە اۋىلدىڭ (بارلىعى 6000 ەلدى مەكەن) ورازا جانە ناماز كەستەسىن PDF فورماتتا muftyat.kz سايتىنان سىلتەمەگە ءوتىپ جۇكتەپ الۋعا بولادى.
