قر باس ءمۇفتيى، قازاقستان مۇسىلماندارى ءدىني باسقارماسىنىڭ توراعاسى ناۋرىزباي قاجى تاعانۇلى كاسىپكەرلەرگە وسىنداي ۇندەۋ جاسادى.
"قادىرلى وتانداستار! بارشاڭىزدى قازاقستان مۇسىلماندارى ءدىني باسقارماسىنىڭ قاسيەتتى ايدا ۇيىمداستىراتىن قايىرىمدىلىق ءىس-شارالارىنا ۇلەس قوسۋعا شاقىرامىن. كاسىپكەرلەردى الەۋمەتتىك ماڭىزى بار ازىق-تۇلىكتەردىڭ باعاسىنا جەڭىلدىك جاساۋعا ۇندەيمىن. رامازان ايىنا تۋرا كەلگەن قۇدايى استاردى اۋىزاشار ۋاقىتىندا وتكىزىپ، كوبىرەك ساۋاپ الۋعا تىرىسايىق. قوعامدىق تاماقتانۋ ورىندارىندا اۋىزاشار ءمازىرىن حالىققا ىڭعايلى باعامەن ۇسىنۋ دا – ساۋاپتى ءىستىڭ ءبىرى.
"بۇل ايدا تەك تابىسقا كەنەلۋگە ەمەس، ەڭ باستىسى حاقتىڭ رازىلىعى مەن حالىقتىڭ العىسىن الۋعا اسىققان ابزال. دۇكەندەردە كۇللى جاماندىقتىڭ باستاۋى بولعان اراق-شاراپ ساتىلماسا دەگەن تىلەگىمىزدى جەتكىزەمىز", – دەدى باس ءمۇفتي.
ايتا كەتەيىك، بيىل رامازان ايى 1 ناۋرىزدا باستالادى. ال ناۋرىز ايىنىڭ 26-نان 27-نە قاراعان ءتۇن – قاسيەتتى قادىر ءتۇنى. 30 ناۋرىز – ورازا ايت مەرەكەسى. قاسيەتتى ايدا بەرىلەتىن ءپىتىر ساداقاسى 655 تەڭگە بولىپ بەكىتىلدى.
