اتالعان قىلمىستىق ءىستى قما الماتى قالاسى بويىنشا دەپارتامەنتى جۇرگىزدى. انىقتالعانداي، الماتى قالاسى اكىمدىگىنىڭ قاۋلىسىمەن ۋاقىتشا پايدالانۋ قۇقىعى نەگىزىندە «الماتى» الەۋمەتتىك-كاسىپكەرلىك كورپوراتسياسى» اق-عا جۋكوۆ كوشەسى، 67-ۋچاسكە (2,3 گا) جانە جاماكاەۆ كوشەسى، 77-ۋچاسكە (6,3 گا) مەكەنجايلارىندا ورنالاسقان جەر تەلىمدەرى 5 جىل مەرزىمگە بەرىلگەن.

بۇرىن «ازاماتتارعا ارنالعان ۇكىمەت» كوممەرتسيالىق ەمەس اكتسيونەرلىك قوعامىنىڭ قىزمەتكەرى بولىپ جۇمىس ىستەگەن ءابدىجاپاروۆ جىلجىمايتىن مۇلىكتى تىركەۋ جۇيەسىنىڭ قالاي جۇمىس ىستەيتىنىن بىلە وتىرىپ، ۋاكىلەتتى ورگاندارعا جەر تەلىمدەرىن ۋاقىتشا پايدالانۋدان باس تارتۋ تۋرالى جالعان كەلىسىمدەر مەن جەر تەلىمدەرى جەكە مەنشىككە بەرىلدى دەگەن جالعان اكىمدىك قاۋلىلارىن تاپسىرعان.

الايدا ءىس جۇزىندە مۇنداي قاۋلىلار اكىمدىك تاراپىنان شىعارىلماعان.

وسىنىڭ ناتيجەسىندە ول اتالعان جەر تەلىمدەرىن زاڭسىز تۇردە ءوزىنىڭ «ايشا گرۋپپ» جشس-ءنىڭ اتىنا قايتا تىركەگەن.

كەيىن بۇل جەر تەلىمدەرىن ءۇشىنشى تۇلعالارعا 1,3 ملرد تەڭگەگە ساتىپ جىبەرگەن.

سوتتىڭ سانكتسياسىمەن نارىقتىق قۇنى 13,6 ملرد تەڭگە بولاتىن جەر تەلىمدەرىنە تىيىم سالىندى.

سوت ۇكىمىمەن ءابدىجاپاروۆ قر قىلمىستىق كودەكسىنىڭ 190-بابى 4-بولىگى 2-تارماعى ء(ىرى مولشەردەگى الاياقتىق) بويىنشا كىنالى دەپ تانىلىپ، وعان 7 جىل باس بوستاندىعىنان ايىرۋ جازاسى تاعايىندالدى.

جەر تەلىمدەرى مەملەكەت مەنشىگىنە قايتارىلدى، ولاردىڭ اۋماعىندا يننوۆاتسيالىق حاب سالۋ جوسپارلانۋدا.

سوت ۇكىمى زاڭدى كۇشىنە ەندى.