پرەزيدەنتكە شاھاردىڭ الەۋمەتتىك-ەكونوميكالىق دامۋ قورىتىندىلارى مەن الداعى جوسپارلارى تۋرالى باياندالدى. بيىلعى ءبىرىنشى جارتىجىلدىقتا قىسقامەرزىمدى ەكونوميكالىق ينديكاتور 11 پايىزعا وسكەن. نەگىزگى كاپيتالعا سالىنعان ينۆەستيتسيا كولەمى 25,4 پايىزعا ارتتى.
مەملەكەت باسشىسىنا قالانىڭ ورتالىق بولىگىنە تۇسەتىن جۇكتەمەنى ازايتۋعا، ينفراقۇرىلىمدى تەڭگەرىمدى بولۋگە جانە قالادا جايلى ورتا قالىپتاستىرۋعا باعىتتالعان پوليتسەنتريستىك دامۋ بارىسى جونىندە مالىمەت بەرىلدى. اۋداندار اراسىنداعى ءتيىمدى بايلانىس پەن قوعامدىق كولىك قىزمەتىن جاقسارتاتىن ترانسپورت جۇيەسىن قۇرۋ ماسەلەسىنە ەرەكشە نازار اۋدارىلدى.
قاسىم-جومارت توقاەۆ شاھاردىڭ جوعارعى بولىگىندە كوپپاتەرلى تۇرعىن ۇيلەر سالۋعا جانە اۋماقتى تارىلتاتىن قۇرىلىس جۇرگىزۋگە موراتوري ەنگىزۋدى تاپسىردى. بۇل شەكتەۋ باس جوسپاردا قاراستىرىلعان الەۋمەتتىك نىساندار مەن تۋريستىك كلاستەر جوبالارىنا قاتىستى ەمەس.
بۇدان بولەك، باس جوسپارعا تابيعي ورتانى قورعاۋدى كۇشەيتۋگە، قالانى جۇيەلى دامىتۋعا جانە تاۋ بوكتەرىندەگى قۇرىلىستىڭ الدىن الۋعا ارنالعان وزگەرىستەردى ۋاقىت وزدىرماي ەنگىزۋ مىندەتىن جۇكتەدى.
