Prezidentke şahardyŋ äleumettık-ekonomikalyq damu qorytyndylary men aldaǧy josparlary turaly baiandaldy. Biylǧy bırınşı jartyjyldyqta qysqamerzımdı ekonomikalyq indikator 11 paiyzǧa ösken. Negızgı kapitalǧa salynǧan investisiia kölemı 25,4 paiyzǧa artty.

Memleket basşysyna qalanyŋ ortalyq bölıgıne tüsetın jüktemenı azaituǧa, infraqūrylymdy teŋgerımdı böluge jäne qalada jaily orta qalyptastyruǧa baǧyttalǧan polisentristık damu barysy jönınde mälımet berıldı. Audandar arasyndaǧy tiımdı bailanys pen qoǧamdyq kölık qyzmetın jaqsartatyn transport jüiesın qūru mäselesıne erekşe nazar audaryldy.

Qasym-Jomart Toqaev şahardyŋ joǧarǧy bölıgınde köppäterlı tūrǧyn üiler saluǧa jäne aumaqty taryltatyn qūrylys jürgızuge moratorii engızudı tapsyrdy. Būl şekteu Bas josparda qarastyrylǧan äleumettık nysandar men turistık klaster jobalaryna qatysty emes.

Būdan bölek, Bas josparǧa tabiǧi ortany qorǧaudy küşeituge, qalany jüielı damytuǧa jäne tau bökterındegı qūrylystyŋ aldyn aluǧa arnalǧan özgerısterdı uaqyt ozdyrmai engızu mındetın jüktedı.