ءباا-ءنىڭ تاق مۇراگەرىنىڭ قازاقستان رەسپۋبليكاسىنا رەسمي ساپارى اياسىندا قازاقستان رەسپۋبليكاسىنىڭ ساۋدا جانە ينتەگراتسيا ءمينيسترى ارمان شاققاليەۆ جانە اۋىل شارۋاشىلىعى ءمينيسترى ايداربەك ساپاروۆ پارسى شىعاناعى ەلدەرىندە، سونىڭ ىشىندە ءباا، ساۋد ارابياسى جانە كاتاردا جەتەكشى ريتەيلەرلەردىڭ ءبىرى بولىپ سانالاتىن LuLu كومپانياسىنىڭ ديرەكتورلار كەڭەسىنىڭ توراعاسى يۋسۋف ءالي مۋساليام ۆيتتيل ابدۋل كادەرمەن كەزدەستى.

الەم بويىنشا 280-نەن استام گيپەرماركەتتەر جەلىسىن باسقاراتىن LuLu كومپانياسى قازاقستاندىق وندىرۋشىلەرمەن بىرلەسكەن جوبالاردى ىسكە اسىرۋعا قىزىعۋشىلىق تانىتتى. كەلىسسوزدەر بارىسىندا قازاقستاننان سيىر ەتى، قوي ەتى، قۇس ەتى، جۇمىرتقا، ءسۇت ونىمدەرى جانە استىق سياقتى اۋىل شارۋاشىلىعى ونىمدەرىنىڭ كەڭ اۋقىمىن ەكسپورتتاۋ، سونىمەن قاتار جەمىستەردى وڭدەۋ مەن ەت ونىمدەرىن ءوندىرۋ پەرسپەكتيۆالارى تالقىلاندى.

قازاقستان تاراپىنان LuLu كومپانياسىنا قازاقستان اۋماعىندا ءوز لوگيستيكالىق ورتالىعىن، سونداي-اق ءونىمدى سۇرىپتاپ، قاپتاپ، ەكسپورتتىق پارتيالار دايىندايتىن ورتالىق اشۋ مۇمكىندىگىن قاراستىرۋ ۇسىنىلدى. مۇنداي حاب كومپانياعا ءونىمدى ءتيىمدى تۇردە جيناپ، پارسى شىعاناعى ەلدەرىنە جانە باسقا شەتەلدىك نارىقتارعا جونەلتۋگە مۇمكىندىك بەرەدى.

مينيسترلەر بۇل جوبانى ىسكە قوسۋعا جان-جاقتى قولداۋ كورسەتۋگە دايىن ەكەندەرىن اتاپ ءوتتى، ونىڭ ىشىندە ءتيىستى ينفراقۇرىلىمدى، لوگيستيكانى تاڭداۋعا جانە مەملەكەتتىك ورگاندار تاراپىنان ءتيىستى كومەك كورسەتۋگە دايىن ەكەندىكتەرىن جەتكىزدى.

قازاقستان LuLu كومپانياسىمەن ىنتىماقتاستىقتى ەكسپورتتىق الەۋەتتى ارتتىرۋ جانە وتاندىق ءونىمنىڭ حالىقارالىق نارىقتاردا كەڭىنەن ۇسىنىلۋىن قامتاماسىز ەتۋ جولىنداعى ماڭىزدى قادام رەتىندە قاراستىرادى.

قازاقستان تاراپىنان بۇل باستاماعا قولداۋ ءبىلدىرىلىپ، رەسپۋبليكانىڭ ەكسپورتتىق الەۋەتىن نىعايتۋ مەن وتاندىق ءونىمدى شەتەلدىك نارىقتارعا ىلگەرىلەتۋگە باعىتتالعان LuLu كومپانياسىمەن ودان ءارى پراكتيكالىق ىنتىماقتاستىققا دايىن ەكەنى جەتكىزىلدى.