BAÄ-nıŋ taq mūragerınıŋ Qazaqstan Respublikasyna resmi sapary aiasynda Qazaqstan Respublikasynyŋ Sauda jäne integrasiia ministrı Arman Şaqqaliev jäne Auyl şaruaşylyǧy ministrı Aidarbek Saparov Parsy şyǧanaǧy elderınde, sonyŋ ışınde BAÄ, Saud Arabiiasy jäne Katarda jetekşı riteilerlerdıŋ bırı bolyp sanalatyn LuLu kompaniiasynyŋ direktorlar keŋesınıŋ töraǧasy Iýsuf Äli Musaliam Vittil Abdul Kadermen kezdestı.

Älem boiynşa 280-nen astam gipermarketter jelısın basqaratyn LuLu kompaniiasy qazaqstandyq öndıruşılermen bırlesken jobalardy ıske asyruǧa qyzyǧuşylyq tanytty. Kelıssözder barysynda Qazaqstannan siyr etı, qoi etı, qūs etı, jūmyrtqa, süt önımderı jäne astyq siiaqty auyl şaruaşylyǧy önımderınıŋ keŋ auqymyn eksporttau, sonymen qatar jemısterdı öŋdeu men et önımderın öndıru perspektivalary talqylandy.

Qazaqstan tarapynan LuLu kompaniiasyna Qazaqstan aumaǧynda öz logistikalyq ortalyǧyn, sondai-aq önımdı sūryptap, qaptap, eksporttyq partiialar daiyndaityn ortalyq aşu mümkındıgın qarastyru ūsynyldy. Mūndai hab kompaniiaǧa önımdı tiımdı türde jinap, Parsy şyǧanaǧy elderıne jäne basqa şeteldık naryqtarǧa jöneltuge mümkındık beredı.

Ministrler būl jobany ıske qosuǧa jan-jaqty qoldau körsetuge daiyn ekenderın atap öttı, onyŋ ışınde tiıstı infraqūrylymdy, logistikany taŋdauǧa jäne memlekettık organdar tarapynan tiıstı kömek körsetuge daiyn ekendıkterın jetkızdı.

Qazaqstan LuLu kompaniiasymen yntymaqtastyqty eksporttyq äleuettı arttyru jäne otandyq önımnıŋ halyqaralyq naryqtarda keŋınen ūsynyluyn qamtamasyz etu jolyndaǧy maŋyzdy qadam retınde qarastyrady.

Qazaqstan tarapynan būl bastamaǧa qoldau bıldırılıp, respublikanyŋ eksporttyq äleuetın nyǧaitu men otandyq önımdı şeteldık naryqtarǧa ılgerıletuge baǧyttalǧan LuLu kompaniiasymen odan ärı praktikalyq yntymaqtastyqqa daiyn ekenı jetkızıldı.