كۇدىكتى 2022-2024 جىلدار ارالىعىندا ءتيىستى ليتسەنزياسىز «Binance» كريپتوبيرجاسىنىڭ پلاتفورماسىندا جەكە تۇلعالار ءۇشىن تسيفرلىق اكتيۆتەردى ساتىپ الۋ، ساتۋ جانە ايىرباستاۋدى جۇزەگە اسىرىپ، 400 ملن تەڭگە سوماسىندا زاڭسىز تابىس تاپقان.
قىلمىستىق جاۋاپتىلىقتان قۇتىلۋ ماقساتىندا كۇدىكتى جاسىرىنىپ، سوعان بايلانىستى ول حالىقارالىق ىزدەۋگە جاريالانعان.
اعىمداعى جىلدىڭ اقپانىندا ول دۋبايدا ۇستالىپ، قازاقستان باس پروكۋراتۋراسىنىڭ سۇراۋى بويىنشا ەلگە ەكستراديتسيالاندى.
قازىرگى ۋاقىتتا كۇدىكتى تەرگەۋ يزولياتورىنا قامالدى.
اتالعان قىلمىستى جاساعانى ءۇشىن مۇلكى تاركىلەنىپ، بەس جىلعا دەيىن باس بوستاندىعىنان ايىرۋ تۇرىندەگى جازا كوزدەلگەن.
باس پروكۋراتۋراسىنىڭ ءباسپاسوز قىزمەتى
