قما كينولوگيالىق ورتالىعىنىڭ ماماندارى مەن ءيىسشىل يتتەر قوعامداعى زاڭدىلىق پەن ءتارتىپتى ورناتۋعا ءوز ۇلەسىن قوسۋدا. ەكونوميكالىق جانە قارجىلىق قاۋىپسىزدىكتى قامتاماسىز ەتۋ، كونترابانداعا قارسى كۇرەس جانە زاڭ مەن ءتارتىپتى ساقتاۋ اگەنتتىكتىڭ باسىم مىندەتتەرى بولىپ قالا بەرەدى. بۇل جاعدايدا ءيىسشىل يتتەر دە ءوز كومەگىن كورسەتتى.
اعىمداعى جىلدىڭ باسىنان بەرى اگەنتتىك يتتەردىڭ كومەگىمەن ەسىرتكىنى زاڭسىز تاسىمالداۋدىڭ 33 فاكتىسىن انىقتادى.
تابىلعان ەسىرتكىنىڭ جالپى سالماعى 17 كەلى، ونىڭ ىشىندە:
• ماريحۋانا/كاننابيس – 5,2 كگ. (20 فاكت);
• گاشيش/گاشيش مايى – 11,5 كگ. (11 فاكت);
• كوكنار سابانى، تەتراگيدروكاننابينول جانە باسقا دا سينتەتيكالىق ەسىرتكى تۇرلەرى.
سونىمەن قاتار، وسى كەزەڭدە ەۋرازيالىق ەكونوميكالىق وداقتىڭ كەدەندىك شەكاراسى ارقىلى دەكلاراتسيالانباعان ۆاليۋتانى زاڭسىز وتكىزۋدىڭ 17 فاكتىسى انىقتالدى.
انىقتالعان ۆاليۋتانىڭ جالپى سوماسى 529 152 اقش دوللارى مەن 9 500 ەۋرونى قۇرادى.
ونىڭ ىشىندە 15 جاعداي الماتى قالاسىندا، 2 جاعداي ماڭعىستاۋ وبلىسىندا تىركەلگەن.
ەسكە سالايىق، 2023 جىلى كينولوگيالىق ورتالىق ماماندارى ەسىرتكى ءترانزيتىنىڭ 29 فاكتىسىن جانە ۆاليۋتانى زاڭسىز شىعارۋ ارەكەتىنىڭ 18 فاكتىسىن انىقتاعان. قما كينولوگيالىق قىزمەتى قارجىلىق مونيتورينگ اگەنتتىگىنىڭ بولىمشەسى، ال ونىڭ ماماندارى ارنايى دايىندالعان جەدەل قىزمەتكەرلەر بولىپ تابىلادى. ولارعا قازاقستان رەسپۋبليكاسىنىڭ مەملەكەتتiك شەكاراسى ارقىلى ەسiرتكi مەن ۆاليۋتانىڭ، ولاردى وتكiزۋدiڭ قاۋiپتi باعىتتارىندا كونتراباندانىڭ جولىن كەسۋ ءۇشiن ارنايى دايىندالعان قىزمەتتiك-iزدەستiرۋ يتتەرiن دايىنداۋ جانە پايدالانۋ مiندەتi جۇكتەلگەن.
كينولوگيالىق ورتالىقتا دايىندالعان جانۋارلار تەك اگەنتتىكتىڭ بولىمشەلەرىنە عانا ەمەس، سونىمەن قاتار باسقا دا قۇقىق قورعاۋ ورگاندارىنا، ارنايى قىزمەتتەرگە، اسكەري پوليتسياعا، ۇقك شق جانە اۆياتسيالىق قاۋىپسىزدىك قىزمەتىنە جىبەرىلەدى.
كينولوگيالىق ورتالىقتا مەملەكەتتىك كىرىستەر جانە قۇقىق قورعاۋ ورگاندارىنىڭ قىزمەتكەرلەرىنەن، سونداي-اق اۋعانستان، وزبەكستان، قىرعىزستان، تۇركىمەنستان، تاجىكستان جانە موڭعوليادان كەلگەن 1000-نان استام كينولوگتار وقىتىلدى.
تەك سوڭعى ەكى جىلدىڭ ىشىندە ورتالىق 60-تان استام كينولوگيالىق بريگادانى دايىندادى.
