QMA Kinologiialyq ortalyǧynyŋ mamandary men iısşıl itter qoǧamdaǧy zaŋdylyq pen tärtıptı ornatuǧa öz ülesın qosuda. Ekonomikalyq jäne qarjylyq qauıpsızdıktı qamtamasyz etu, kontrabandaǧa qarsy küres jäne zaŋ men tärtıptı saqtau Agenttıktıŋ basym mındetterı bolyp qala beredı. Būl jaǧdaida iısşıl itter de öz kömegın körsettı.
Aǧymdaǧy jyldyŋ basynan berı Agenttık itterdıŋ kömegımen esırtkını zaŋsyz tasymaldaudyŋ 33 faktısın anyqtady.
Tabylǧan esırtkınıŋ jalpy salmaǧy 17 kelı, onyŋ ışınde:
• marihuana/kannabis – 5,2 kg. (20 fakt);
• gaşiş/gaşiş maiy – 11,5 kg. (11 fakt);
• köknär sabany, tetragidrokannabinol jäne basqa da sintetikalyq esırtkı türlerı.
Sonymen qatar, osy kezeŋde Euraziialyq ekonomikalyq odaqtyŋ kedendık şekarasy arqyly deklarasiialanbaǧan valiutany zaŋsyz ötkızudıŋ 17 faktısı anyqtaldy.
Anyqtalǧan valiutanyŋ jalpy somasy 529 152 AQŞ dollary men 9 500 eurony qūrady.
Onyŋ ışınde 15 jaǧdai Almaty qalasynda, 2 jaǧdai Maŋǧystau oblysynda tırkelgen.
Eske salaiyq, 2023 jyly kinologiialyq ortalyq mamandary esırtkı tranzitınıŋ 29 faktısın jäne valiutany zaŋsyz şyǧaru äreketınıŋ 18 faktısın anyqtaǧan. QMA kinologiialyq qyzmetı qarjylyq monitoring agenttıgınıŋ bölımşesı, al onyŋ mamandary arnaiy daiyndalǧan jedel qyzmetkerler bolyp tabylady. Olarǧa Qazaqstan Respublikasynyŋ memlekettik şekarasy arqyly esirtki men valiutanyŋ, olardy ötkizudiŋ qauipti baǧyttarynda kontrabandanyŋ jolyn kesu üşin arnaiy daiyndalǧan qyzmettik-izdestiru itterin daiyndau jäne paidalanu mindeti jüktelgen.
Kinologiialyq ortalyqta daiyndalǧan januarlar tek Agenttıktıŋ bölımşelerıne ǧana emes, sonymen qatar basqa da qūqyq qorǧau organdaryna, arnaiy qyzmetterge, äskeri polisiiaǧa, ŪQK ŞQ jäne Aviasiialyq qauıpsızdık qyzmetıne jıberıledı.
Kinologiialyq ortalyqta memlekettık kırıster jäne qūqyq qorǧau organdarynyŋ qyzmetkerlerınen, sondai-aq Auǧanstan, Özbekstan, Qyrǧyzstan, Türkımenstan, Täjıkstan jäne Moŋǧoliiadan kelgen 1000-nan astam kinologtar oqytyldy.
Tek soŋǧy ekı jyldyŋ ışınde ortalyq 60-tan astam kinologiialyq brigadany daiyndady.
