23 قازاننان باستاپ ەلىمىزدىڭ بارلىق كينوتەاترىندا قىزمەتتىك بورىشىن اتقارۋ كەزىندە قازا تاپقان پوليتسيا قىزمەتكەرى عازيز بايتاسوۆتىڭ ەرلىگى جايلى كوركەم ءفيلمنىڭ كورسەتىلىمى باستالادى. ءفيلمنىڭ سيۋجەتىندە 2011 جىلى تاراز قالاسىندا بولعان لاڭكەستىك شابۋىل تاسپالانعان. پوليتسيا كاپيتانى عازيز بايتاسوۆ لاڭكەستىڭ جولىن بوگەپ، ەل قاۋىپسىزدىگى جولىندا ءوز ءومىرىن قيدى. قايتىس بولعاننان كەيىن باتىرعا "حالىق قاھارمانى" اتاعى بەرىلدى. عازيز ابدىبەكۇلى بايتاسوۆ جامبىل وبلىسى، تۇيمەكەنت اۋىلىندا دۇنيەگە كەلگەن. ىشكى ىستەر ورگاندارىنداعى قىزمەتىن 1992 جىلى باستاپ، 20 جىلعا جۋىق ۋاقىت ەڭبەك ەتتى. 2011 جىلعى 12 قاراشادا لاڭكەستىڭ لاقتىرماق بولعان گراناتاسىن ءوز دەنەسىمەن جاۋىپ، بەيبىت تۇرعىنداردى لاڭكەستىك ارەكەتتەن قورعاپ قالدى. ارتىندا جۇبايى مەن ەكى ۇلى قالدى. اتالمىش تۋىندى قازاقستان رەسپۋبليكاسى مادەنيەت جانە اقپارات مينيسترلىگىنىڭ تاپسىرىسى بويىنشا "قازاقفيلم" كينوستۋدياسىندا ءتۇسىرىلىپ، ۇلتتىق كينونى قولداۋ مەملەكەتتىك ورتالىعىمەن جۇزەگە استى. جوبا قازاقستاندىق كينەماتوگرافياداعى پاتريوتتىق تاقىرىپتى جاڭا دەڭگەيگە كوتەرىپ، قۇقىق قورعاۋ ورگاندارى قىزمەتكەرلەرىنىڭ ەرلىگىمەن مەن ازاماتتىق بورىش ۇعىمدارىن كورەرمەنگە تەرەڭ جەتكىزۋدى كوزدەيدى.

اقپارات كوزى Polisia.kz سايتىندا: https://polisia.kz/kapitan-bajtasov-fil-mi-korermenge-zhol-tartady/