23 qazannan bastap elımızdıŋ barlyq kinoteatrynda qyzmettık boryşyn atqaru kezınde qaza tapqan polisiia qyzmetkerı Ǧaziz Baitasovtyŋ erlıgı jaily körkem filmnıŋ körsetılımı bastalady. Filmnıŋ siujetınde 2011 jyly Taraz qalasynda bolǧan laŋkestık şabuyl taspalanǧan. Polisiia kapitany Ǧaziz Baitasov laŋkestıŋ jolyn bögep, el qauıpsızdıgı jolynda öz ömırın qidy. Qaitys bolǧannan keiın batyrǧa "Halyq Qaharmany" ataǧy berıldı. Ǧaziz Äbdıbekūly Baitasov Jambyl oblysy, Tüimekent auylynda düniege kelgen. Işkı ıster organdaryndaǧy qyzmetın 1992 jyly bastap, 20 jylǧa juyq uaqyt eŋbek ettı. 2011 jylǧy 12 qaraşada laŋkestıŋ laqtyrmaq bolǧan granatasyn öz denesımen jauyp, beibıt tūrǧyndardy laŋkestık äreketten qorǧap qaldy. Artynda jūbaiy men ekı ūly qaldy. Atalmyş tuyndy Qazaqstan Respublikasy Mädeniet jäne aqparat ministrlıgınıŋ tapsyrysy boiynşa "Qazaqfilm" kinostudiiasynda tüsırılıp, ūlttyq kinony qoldau memlekettık ortalyǧymen jüzege asty. Joba qazaqstandyq kinematografiiadaǧy patriottyq taqyrypty jaŋa deŋgeige köterıp, qūqyq qorǧau organdary qyzmetkerlerınıŋ erlıgımen men azamattyq boryş ūǧymdaryn körermenge tereŋ jetkızudı közdeidı.
Aqparat közı Polisia.kz saitynda: https://polisia.kz/kapitan-bajtasov-fil-mi-korermenge-zhol-tartady/
