اباي وبلىسىنداعى تانىمال كافە جەلىسىنىڭ يەسى شوتىنداعى قاراجاتتىڭ جەتىسپەۋشىلىگىن بايقاپ، پوليتسياعا جۇگىندى. كاسىپكەردىڭ ايتۋىنشا، 2024 جىلدىڭ مامىرىنان جەلتوقسانىنا دەيىن كاسسادان 13 ميلليون تەڭگەدەن استام قاراجات جوعالعان. تەرگەۋ بارىسىندا بۇل قاراجات ەكى قىزمەتكەردىڭ جەكە شوتتارىنا تۇراقتى تۇردە اۋدارىلىپ وتىرعانى انىقتالدى. كۇدىكتىلەر باسشىلىقتىڭ رۇقساتىنسىز، ءموبيلدى قوسىمشا ارقىلى اۋدارىم جاساپ، مەكەمەنىڭ قارجىسىن ءوز ماقساتتارىنا پايدالانعان. پوليتسەيلەر كۇدىكتىلەردى جىلدام انىقتاپ، ولاردى بولىمشەگە جەتكىزدى. جۇمىسشىلار ءوز كىناسىن مويىنداعانىمەن، ۇرلانعان قاراجاتتى قايتارۋ مۇمكىن بولمادى – ولاردىڭ ايتۋىنشا، بۇكىل سوما جەكە قاجەتتىلىكتەرىنە جۇمسالعان. قازىرگى ۋاقىتتا اسا ءىرى مولشەردەگى شىعىن فاكتىسى بويىنشا سوتقا دەيىنگى تەرگەۋ جۇرگىزىلۋدە. كۇدىكتىلەرگە قاتىستى كەلۋ مىندەتتەمەسى تۇرىندەگى بۇلتارتپاۋ شاراسى قولدانىلدى.
