Kafe qyzmetkerlerı 13 mln teŋge jymqyrǧan

Abai oblysynda kafe qyzmetkerlerı 13 mln teŋgeden astam qarajatty öz şottaryna zaŋsyz audaryp otyrǧan, — dep habarlaidy Ras.kz aqparattyq portaly Polisia.kz. ke sılteme jasai otyryp

Abai oblysyndaǧy tanymal kafe jelısınıŋ iesı şotyndaǧy qarajattyŋ jetıspeuşılıgın baiqap, polisiiaǧa jügındı. Käsıpkerdıŋ aituynşa, 2024 jyldyŋ mamyrynan jeltoqsanyna deiın kassadan 13 million teŋgeden astam qarajat joǧalǧan. Tergeu barysynda būl qarajat ekı qyzmetkerdıŋ jeke şottaryna tūraqty türde audarylyp otyrǧany anyqtaldy. Küdıktıler basşylyqtyŋ rūqsatynsyz, mobildı qosymşa arqyly audarym jasap, mekemenıŋ qarjysyn öz maqsattaryna paidalanǧan. Poliseiler küdıktılerdı jyldam anyqtap, olardy bölımşege jetkızdı. Jūmysşylar öz kınäsın moiyndaǧanymen, ūrlanǧan qarajatty qaitaru mümkın bolmady – olardyŋ aituynşa, bükıl soma jeke qajettılıkterıne jūmsalǧan. Qazırgı uaqytta asa ırı mölşerdegı şyǧyn faktısı boiynşa sotqa deiıngı tergeu jürgızılude. Küdıktılerge qatysty kelu mındettemesı türındegı būltartpau şarasy qoldanyldy.

Bölısu
Taqyryptar
Oqi otyryŋyz