قازىر وسى ساناتتاعى جۇمىرتقانىڭ ورتاشا باعاسى ساۋدا سورەلەرىندە 540 تەڭگە قۇرايدى. جۇمىرتقالاردىڭ باعاسى ايماققا بايلانىستى ءارتۇرلى بولادى. ەلوردادا س1 ساناتىنداعى جۇمىرتقانىڭ ورتاشا باعاسى 609 تەڭگە بولسا، ەڭ تومەنگى باعا پەتروپاۆلدا تىركەلگەن — 462 تەڭگە. وپەراتيۆ مونيتورينگ دەرەكتەرىنە سايكەس، ەلىمىزدەگى بازارلار مەن دۇكەندەردە جۇمىرتقا 435 تەڭگەدەن (ۇلىتاۋ وبلىسى، 30 دانادان تۇراتىن لوتوك) باستاپ 540-600 تەڭگەگە دەيىن (شىعىس قازاقستان وبلىسى، 30 دانادان تۇراتىن لوتوك 2225 تەڭگە) ساتىلۋدا. مىسالى، استاناداعى "ماگنۋم" دۇكەنىندە "كۋروچكا ريابا" ءوندىرۋشىسىنىڭ س1 ساناتىنداعى جۇمىرتقاسىنىڭ 30 دانادان تۇراتىن لوتوگى 1590 تەڭگەگە (10 دانا 530 تەڭگە) ساتىلسا، "لۋگوۆوە پولە" برەندىمەن ساتىلاتىن جۇمىرتقانىڭ 30 دانادان تۇراتىن لوتوگى 1619 تەڭگەگە (10 داناسى 540 تەڭگە) باعالانادى.