12 شىلدە كۇنى تاڭعى ساعات 04:30 شاماسىندا كوكسۋ اۋدانىنىڭ بالپىق بي كەنتى ماڭىنداعى الماتى – وسكەمەن اۆتوجولىنىڭ 240-شاقىرىمىندا پوليتسيا قىزمەتكەرلەرىنىڭ جەدەل جانە كاسىبي ارەكەت ەتىپ ادام ءومىرىن ساقتاپ قالدى. جول قاۋىپسىزدىگىن قامتاماسىز ەتۋ ماقساتىندا الدىن الا ءىس-شارا جۇرگىزىپ جۇرگەن اكىمشىلىك پوليتسيا بولىمشەسىنىڭ باستىعى مارات ۇزاقپاەۆ پەن كوكسۋ اۋدانىنىڭ ۋچاسكەلىك ينسپەكتورى جۇمابەك باقبەرگەنگە Toyota اۆتوكولىگىن تىزگىندەگەن ازامات كەلىپ، كوكسۋ وزەنىنىڭ كانالى بويىندا بويجەتكەننىڭ جالعىز تۇرعانىن حابارلاعان.

حاباردى العان بويدا وقيعا ورنىنا دەرەۋ جەتكەن پوليتسيا قىزمەتكەرلەرى شامامەن 20–25 جاس ارالىعىنداعى بويجەتكەندى انىقتاعان. ول ءوز-وزىنە قول جۇمساۋعا بەل بۋعانىن جەتكىزىپ، “ولەمىن” دەگەن سوزدەر ايتقان. قىزمەتكەرلەر ونى رايىنان قايتارۋعا تىرىسقانىمەن، ول سۋعا سەكىرىپ كەتكەن. الايدا ءتارتىپ ساقشىلارى ءوز ومىرلەرىن قاتەرگە تىگىپ، ءبىر ءسات تە ويلانباستان وزەنگە ءتۇسىپ، اعىس بويىمەن بويجەتكەنگە ءجۇزىپ جەتىپ، ونى جاعاعا الىپ شىققان. قۇتقارۋ جۇمىسىنا سول ماڭدا جۇرگەن جەتىسۋ وبلىسى پوليتسيا دەپارتامەنتىنىڭ پاترۋلدىك پوليتسيا ينسپەكتورى ت.كاشكەەۆ تە بەلسەندى تۇردە اتسالىسقان. كاسىبي بىلىكتىلىك پەن شىنايى جاناشىرلىقتىڭ ۇلگىسىن كورسەتكەن پوليتسەيلەر بويجەتكەندى قۇتقارىپ، امان-ەسەن اتا-اناسىنا تابىستادى. بۇل – ءتارتىپ ساقشىلارىنىڭ كۇندەلىكتى قىزمەتىنىڭ تەك قاۋىپسىزدىك پەن ءتارتىپتى قامتاماسىز ەتۋ عانا ەمەس، سونىمەن قاتار ادام ءومىرىن قۇتقارۋعا باعىتتالعان ماڭىزدى ميسسيا ەكەنىن دالەلدەيدى.

اقپارات كوزى Polisia.kz