12 şılde künı taŋǧy saǧat 04:30 şamasynda Köksu audanynyŋ Balpyq bi kentı maŋyndaǧy Almaty – Öskemen avtojolynyŋ 240-şaqyrymynda polisiia qyzmetkerlerınıŋ jedel jäne käsıbi äreket etıp adam ömırın saqtap qaldy. Jol qauıpsızdıgın qamtamasyz etu maqsatynda aldyn ala ıs-şara jürgızıp jürgen äkımşılık polisiia bölımşesınıŋ bastyǧy Marat Ūzaqpaev pen Köksu audanynyŋ uchaskelık inspektory Jūmabek Baqbergenge Toyota avtokölıgın tızgındegen azamat kelıp, Köksu özenınıŋ kanaly boiynda boijetkennıŋ jalǧyz tūrǧanyn habarlaǧan.

Habardy alǧan boida oqiǧa ornyna dereu jetken polisiia qyzmetkerlerı şamamen 20–25 jas aralyǧyndaǧy boijetkendı anyqtaǧan. Ol öz-özıne qol jūmsauǧa bel buǧanyn jetkızıp, “ölemın” degen sözder aitqan. Qyzmetkerler ony raiynan qaitaruǧa tyrysqanymen, ol suǧa sekırıp ketken. Alaida tärtıp saqşylary öz ömırlerın qaterge tıgıp, bır sät te oilanbastan özenge tüsıp, aǧys boiymen boijetkenge jüzıp jetıp, ony jaǧaǧa alyp şyqqan. Qūtqaru jūmysyna sol maŋda jürgen Jetısu oblysy polisiia departamentınıŋ patruldık polisiia inspektory T.Kaşkeev te belsendı türde atsalysqan. Käsıbi bılıktılık pen şynaiy janaşyrlyqtyŋ ülgısın körsetken poliseiler boijetkendı qūtqaryp, aman-esen ata-anasyna tabystady. Būl – tärtıp saqşylarynyŋ kündelıktı qyzmetınıŋ tek qauıpsızdık pen tärtıptı qamtamasyz etu ǧana emes, sonymen qatar adam ömırın qūtqaruǧa baǧyttalǧan maŋyzdy missiia ekenın däleldeidı.

Aqparat közı Polisia.kz