ءىس-شارا بارىسىندا 4 مىڭ اكىمشىلىك قۇقىقبۇزۋشىلىق انىقتالدى. “زاڭ مەن ءتارتىپ” قاعيداتىن ىسكە اسىرۋ اياسىندا كامەلەتكە تولماعاندار اراسىنداعى قۇقىق بۇزۋشىلىقتىڭ الدىن الۋ جانە بالالاردىڭ قاۋىپسىزدىگىن قامتاماسىز ەتۋ ماقساتىندا 1–3 شىلدە ارالىعىندا الماتى، شىمكەنت قالالارىندا، الماتى، جامبىل، ماڭعىستاۋ، پاۆلودار، سولتۇستىك قازاقستان، قىزىلوردا، اباي جانە ۇلىتاۋ وبلىستارىندا اۋقىمدى پروفيلاكتيكالىق ءىس-شارالار وتكىزىلدى.

ءىس-شارا بالالاردىڭ قۇقىقتارىن قورعاۋعا، قۇقىق بۇزۋشىلىقتاردىڭ الدىن الۋعا، قوعامدىق ءتارتىپتى بۇزۋعا جول بەرمەۋگە باعىتتالدى. شاراعا 3 مىڭعا جۋىق قىزمەتكەر جۇمىلدىرىلدى. پوليتسياعا 2400 ءجاسوسپىرىم جەتكىزىلدى، ونىڭ ىشىندە اكىمشىلىك قۇقىق بۇزۋشىلىق ءۇشىن 1500, قاراۋسىزدىق پەن پاناسىزدىق جۇرگەنى ءۇشىن 1000 ءجاسوسپىرىم جەتكىزىلدى.

ءىس-شارا بارىسىندا 4 مىڭ اكىمشىلىك قۇقىقبۇزۋشىلىق انىقتالدى، ونىڭ ىشىندە بالالاردى تاربيەلەۋ جونىندەگى مىندەتتەردى ورىنداماعانى ءۇشىن 257 اتا-انا جانە كامەلەتكە تولماعانداردىڭ تۇنگى ۋاقىتتا ويىن-ساۋىق ورىندارىنمەن كوشەلەردە بولعانى ءۇشىن 1500 جۋىق اتا-انا جاۋاپكەشىلىككە تارتىلدى.

وڭىرلەردە ءىس-شارا اياسىندا جاسوسپىرىمدەرمەن قىلمىستىق قۇقىق بۇزۋشىلىقتار تىركەلگەن جوق. اتالعان ءىس-شارا الداعى ۋاقىتتا دا تۇراقتى تۇردە وتكىزىلەتىن بولادى.

ءىىم بالالاردىڭ قاۋىپسىزدىگى – ەڭ الدىمەن وتباسىنىڭ جاۋاپكەرشىلىگىندە ەكەنىن ەسكە سالادى.

جازعى دەمالىس كەزىندە بالالارىڭىزدىڭ قايدا جۇرگەنىنە، كىممەن ارالاساتىنىنا جانە بوس ۋاقىتىن قالاي وتكىزەتىنىنە ەرەكشە نازار اۋدارعان ءجون.