Is-şara barysynda 4 myŋ äkımşılık qūqyqbūzuşylyq anyqtaldy. “Zaŋ men tärtıp” qaǧidatyn ıske asyru aiasynda kämeletke tolmaǧandar arasyndaǧy qūqyq būzuşylyqtyŋ aldyn alu jäne balalardyŋ qauıpsızdıgın qamtamasyz etu maqsatynda 1–3 şılde aralyǧynda Almaty, Şymkent qalalarynda, Almaty, Jambyl, Maŋǧystau, Pavlodar, Soltüstık Qazaqstan, Qyzylorda, Abai jäne Ūlytau oblystarynda auqymdy profilaktikalyq ıs-şaralar ötkızıldı.

Is-şara balalardyŋ qūqyqtaryn qorǧauǧa, qūqyq būzuşylyqtardyŋ aldyn aluǧa, qoǧamdyq tärtıptı būzuǧa jol bermeuge baǧyttaldy. Şaraǧa 3 myŋǧa juyq qyzmetker jūmyldyryldy. Polisiiaǧa 2400 jasöspırım jetkızıldı, onyŋ ışınde äkımşılık qūqyq būzuşylyq üşın 1500, qarausyzdyq pen panasyzdyq jürgenı üşın 1000 jasöspırım jetkızıldı.

Is-şara barysynda 4 myŋ äkımşılık qūqyqbūzuşylyq anyqtaldy, onyŋ ışınde balalardy tärbieleu jönındegı mındetterdı oryndamaǧany üşın 257 ata-ana jäne kämeletke tolmaǧandardyŋ tüngı uaqytta oiyn-sauyq oryndarynmen köşelerde bolǧany üşın 1500 juyq ata-ana jauapkeşılıkke tartyldy.

Öŋırlerde ıs-şara aiasynda jasöspırımdermen qylmystyq qūqyq būzuşylyqtar tırkelgen joq. Atalǧan ıs-şara aldaǧy uaqytta da tūraqty türde ötkızıletın bolady.

IIM balalardyŋ qauıpsızdıgı – eŋ aldymen otbasynyŋ jauapkerşılıgınde ekenın eske salady.

Jazǧy demalys kezınde balalaryŋyzdyŋ qaida jürgenıne, kımmen aralasatynyna jäne bos uaqytyn qalai ötkızetınıne erekşe nazar audarǧan jön.