جامبىل وبلىسىنداعى مەركى اۋدانىندا جانار-جاعار ماي قۇيۋ بەكەتىندە پىشاق قولدانۋ ارقىلى شابۋىل جاسالدى. كۇدىكتى ءىزىن سۋىتپاي ۇستالىپ، سوت سانكتسياسىمەن قاماۋعا الىندى. وسى دەرەكپەن قىلمىستىق كودەكستىڭ 293-بابىنىڭ 3-بولىگىمەن، ياعني پىشاق قولدانۋ ارقىلى جاسالعان بۇزاقىلىقپەن قىلمىستىق ءىس قوزعالدى. بۇل باپپەن 7 جىلعا دەيىنگى باس بوستاندىعىنان ايىرۋ جازاسى كوزدەلگەن، ياعني اۋىر ساناتتاعى قىلمىس قاتارىنا جاتادى. تەرگەۋدى جامبىل وبلىسىنىڭ پوليتسيا دەپارتامەنتى جۇرگىزۋدە، وقيعا ورنىندا جەدەل-تەرگەۋ توبى جۇمىس جاساۋدا. ونىڭ جۇمىسىن ۇيىمداستىرىپ، باقىلاۋ جۇرگىزۋ ءۇشىن مينيسترلىكتىڭ ورتالىق اپپارات قىزمەتكەرلەرى جىبەرىلدى. قازىر جان-جاقتى تەرگەۋ جۇرگىزىلۋدە. سونىمەن قاتار ادۆوكاتىنىڭ ءوتىنىشى بويىنشا جابىرلەنۋشىگە پوليتسيانىڭ كۇزەتى قويىلدى. تەرگەۋ بارىسى ىشكى ىستەر ءمينيسترىنىڭ ەرەكشە باقىلاۋىندا، - دەدى ءىىم تەرگەۋ دەپارتامەنتىنىڭ باستىعى مۇحتار كوجاەۆ.

اقپارات كوزى Polisia.kz