" ... قر پرەمەر-ءمينيسترىنىڭ حاتتامالىق تاپسىرماسىنا سايكەس اقتوبە وبلىسىنداعى شاعىن جيناقتى اۋىل مەكتەپتەرىن رەسپۋبليكامىزدىڭ باسقا دا وبلىستارىنا تاراتۋ جوباسىن جۇزەگە اسىرۋعا كىرىستىك. جوبانىڭ ماقساتى - قالا مەن اۋىل اراسىنداعى ءبىلىم ساپاسىنداعى الشاقتىقتى ازايتۋ، اۋىل بالالارىنىڭ ساپالى بىلىمگە قول جەتكىزۋىنە جاعداي جاساۋ. وسى جوبانىڭ ءساتتى جۇزەگە اسۋىنا قر وقۋ-اعارتۋ مينيسترلىگى، قازاقستان حالقىنا قوعامدىق قورى، ءبىلىم بەرۋ سالاسىن تۇراقتى دامىتۋ قورى، نزم، وتاندىق edtech سالاسىنداعى كومپانيالار - Bilim Media Group (BMG), Daryn-Online, Kundelik, RoqED, Aman-Sultan, جانە اقتوبە وبلىسىنىڭ اكىمدىگى زور ىقپال ەتتى. ترانسلياتسيانىڭ ساپاسىن قامتاماسىز ەتۋ ءۇشىن اقتوبە وبلىسى ءبىلىم باسقارماسىمەن بىرلەسكەن جۇمىس اتقارىلادى، وسى ورايدا اقتوبە وبلىسىنىڭ اكىمى Askhat Shakharov-تىڭ ءبىلىم سالاسى بويىنشا شتاتتان تىس كەڭەسشىسى بولۋ ۇسىنىسىن قابىل الدىم. تۋعان ولكەمىزدىڭ ودان ءارى وركەندەۋىنە، قوعامدىق-ساياسي دامۋىنا ءوز ءبىلىمىم مەن تاجىريبەم نەگىزىندە قىزمەت ەتۋ - مەن ءۇشىن ۇلكەن مارتەبە! " - دەلىنگەن جازبادا. 

ەستەرىڭىزگە سالا كەتەيىك، وسىدان بىرنەشە كۇن بۇرىن اقتوبە وبلىسى ءبىلىم باسقارماسىنىڭ باسشىسى قىزمەتتەن كەتتى دەگەن اقپارات تاراپ، الەۋمەتتىك جەلىدە قىزۋ تالقىلانعان ەدى.