تارگەتتىك جارناما - بۇل الەۋمەتتىك جەلىلەردە جانە ونلاين-پلاتفورمالاردا اقپاراتتى بەلسەندى تۇردە ىلگەرىلەتۋ ماقساتىندا قولدانىلاتىن ءادىس. ونى بۇگىندە الاياقتار دا پايدالانۋدا. بۇل جالعان ينۆەستيتسيالىق قورلار نەمەسە الاياقتار ۇرلاعان قاراجاتتى قايتارۋعا باعىتتالعان قىزمەتتەر بولۋى مۇمكىن. جارناما جاساۋ كەزىندە كيبەرالاياقتار تانىمال تۇلعالاردىڭ، ادۆوكاتتاردىڭ ۆيدەولارىن نەگىزگە الا وتىرىپ، حالىقتى سەندىرۋ ءۇشىن ونى جاساندى ينتەللەكت ارقىلى بۇرمالايدى.

2024 جىلى 2,5 مىڭنان استام ازامات ءوز قاراجاتىن جالعان ينۆەستيتسيالىق قورلارعا سالعان. ادامدار جوعالتقان اقشالارىن قايتارۋ ءۇشىن باسقا الاياقتاردان كومەك سۇراپ، ودان دا ۇلكەن سومادان ايىرىلاتىن جاعدايلار دا كەزدەسەدى. مىسالى، قاراعاندى وبلىسىنىڭ تۇرعىنى تاۋاردى ونلاين تۇردە ساتىپ الۋعا جۇمساعان 40 مىڭ تەڭگەسىن قايتارعىسى كەلىپ، باسقا الاياقتاردىڭ قۇرىعىنا ءتۇسىپ، 11 ملن تەڭگەدەن استام شىعىنعا ۇشىراعان.

الاياقتىق جارنامالاردى قالاي تانۋعا بولادى: جارنامالار وڭاي اقشا تابۋ مەن تەز بايۋدىڭ جولدارىن ۋادە ەتەدى; سىلتەمەلەر كەرى بايلانىس كورسەتىلمەگەن نەمەسە ليتسەنزياسىز كۇماندى سايتتارعا اپارادى; كارتا، جەكە كۋالىك نەمەسە وزگە دە دەربەس دەرەكتەردى ەنگىزۋدى تالاپ ەتەتىن سۇرانىستار; اگرەسسيۆتى ماركەتينگ جانە "مۇمكىندىكتى جىبەرىپ الماۋ" تۋرالى ۇسىنىستار; ينۆەستيتسيالىق قور مەنەدجەرلەرىنىڭ تىنىمسىز قوڭىراۋلارى; جارناماعا قاتىساتىن تانىمال ادامداردىڭ بەت الپەتىنە نازار اۋدارۋ، ەرىن قوزعالىسى مەن داۋىستىڭ ءبىر-بىرىنە سايكەس كەلمەۋى.

اقپارات كوزى Polisia.kz سايتىندا: https://polisia.kz/zhasandy-intellekt-pen-targettik-zharnama-alayaqtardyng-qoldanysynda-iim-qauip-turaly-eskertedi/