جاڭا رەيس اپتاسىنا ءۇش رەت سەيسەنبى، بەيسەنبى جانە جەكسەنبى كۇندەرى ورىندالادى. كەستەگە سايكەس ۇشاق گۋانچجوۋدان تاڭعى ساعات 06:50-دە ۇشىپ، الماتىعا ساعات 10:20-دا كەلەدى. قازاقستاننان رەيس كەشكى ساعات 20:50-دە جونەلتىلەدى جانە كەلەسى كۇنى ساعات 05:45-تە گۋانچجوۋعا قونادى.

جاڭا باعداردىڭ اشىلۋىنا وراي «Kazakh Tourism» كومپانياسى جانە Air Astana گۋانچجوۋدان كەلگەن جەتەكشى تۋروپەراتورلار، جۋرناليستەر مەن بلوگەرلەر ءۇشىن قازاقستان بويىنشا تانىستىرۋ تۋرىن وتكىزىپ جاتىر. شەتەلدىك مەيماندار وڭتۇستىك استانانىڭ جانە الماتى وبلىسىنىڭ نەگىزگى تۋريستىك كورىكتى جەرلەرىن ارالايدى. ونىڭ ىشىندە شىمبۇلاق تاۋ شاڭعىسى كۋرورتى، شارىن شاتقالى مەن كولساي كولدەرى بار. تۋريزم سالاسىنداعى ەكىجاقتى ىنتىماقتاستىقتى كەڭەيتۋ ماقساتىندا قازاقستاندىق جانە قىتايلىق تۋروپەراتورلار اراسىنداعى B2B-كەزدەسۋلەر دە جوسپارلانعان.

وتكەن جىلى قىتايداعى قازاقستان ءتۋريزمى جىلىنىڭ قورىتىندىسى بويىنشا اسپان استى ەلىنەن كەلۋشىلەر قاتارى 78% ارتىپ، 655 مىڭ ادامدى قۇراعان. بۇل ەلىمىزدىڭ تۋريستىك باعىت رەتىندە تارتىمدىلىعىنىڭ ارتقانىن كورسەتەدى.

2025 جىل قازاقستانداعى قىتاي ءتۋريزمى جىلى دەپ جاريالانعان ەدى.