ەرلان بەكمۇرزاەۆتىڭ باسقا جۇمىسقا اۋىسۋىنا بايلانىستى ەلوردا اكىمىنىڭ جاڭا ورىنباسارى تاعايىندالدى. قر پرەزيدەنتى اكىمشىلىگىنىڭ كەلىسىمى بويىنشا اكىمنىڭ ورىنباسارى بولىپ قازاقستان رەسپۋبليكاسى پرەزيدەنتى اكىمشىلىگىنىڭ ەكس-مەملەكەتتىك ينسپەكتورى ەۆگەني گلوتوۆ تاعايىندالدى، دەپ حابارلايدى استانا اكىمدىگىنىڭ رەسمي سايتى.

ەۆگەني گلوتوۆ   "قازاقستان جاستار كونگرەسى" زتب-دا باستادى. ءار جىلدارى "اۋىل جاستارى وداعى" قب، "GP group" جشس سىندى مەكەمەلەردە قىزمەتتەر اتقارعان. 

2015 جىلدان باستاپ سولتۇستىك قازاقستان وبلىسى اكىمدىگىندە باس ينسپەكتورى، كاسىپكەرلىك جانە تۋريزم باسقارماسىنىڭ باسشىسى قىزمەتتەرىندە بولدى. 

2016 جىلعى قاراشادان 2019 جىلعى ساۋىرگە دەيىن سولتۇستىك قازاقستان وبلىسى پەتروپاۆل قالاسى اكىمىنىڭ ورىنباسارى، كەيىن، قازاقستان رەسپۋبليكاسى پرەزيدەنتى اكىمشىلىگىنىڭ ىشكى ساياسات ءبولىمى مەڭگەرۋشىسىنىڭ ورىنباسارى، قازاقستان رەسپۋبليكاسى پرەزيدەنتى اكىمشىلىگىنىڭ مەملەكەتتىك ينسپەكتورى قىزمەتتەرىندە بولدى. 

فوتو ينتەرنەت جەلىسىنەن الىندى