«جەدەل جاردەم قىزمەتكەرلەرى تۇرعىندارىمىزعا العاش بولىپ مەديتسينالىق كومەك كورسەتەدى. ولاردىڭ جۇمىسى وتە اۋىر ءارى جاۋاپتى. دەگەنمەن، تۇرعىندار تاراپىنان جەدەل مەديتسينالىق جاردەم ستانتسياسىنىڭ جۇمىسىنا، اسىرەسە ستانتسيانىڭ اۆتوپاركىنە نەگىزدەلگەن شاعىمدار تۇسەدى.

ماسەلەن، جەدەل جاردەم ستانتسياسىنىڭ اۆتوپاركى 146 اۆتوكولىكتەن تۇرادى. ولاردىڭ ءبىر بولىگى جوندەۋدى قاجەت ەتەدى.

بيىل اۆتوكولىك سانىن ارتتىرۋ ءۇشىن 47 جەدەل جاردەم ماشيناسى ساتىپ الىندى. ولاردىڭ 27-ءسى قازىردىڭ وزىندە جەتكىزىلدى، تيىسىنشە شاقىرتۋلارعا شىعۋعا دايىن. قالعان بولىگى الداعى اپتادا جەتكىزىلەدى. كولىكتەردىڭ ءبارى شاقىرتۋلارعا جىلدام ءارى ءتيىمدى كومەك كورسەتەتىن زاماناۋي جابدىقتارمەن جابدىقتالعان. سول سياقتى جاقىن ارادا قولدا بار 20 كولىك تە جوندەۋدەن وتەدى.

سوڭعى جىلدارى جەدەل جاردەم پاركى 90 اۆتوكولىكپەن جاڭارتىلدى. ارنايى تەحنيكانى جاڭارتۋ جۇمىسىن كەلەسى جىلى دا جالعاستىرامىز.

مەملەكەت باسشىسى دەنساۋلىق ساقتاۋ جۇيەسىن دامىتۋ، دارىگەرلەرگە جان-جاقتى قولداۋ كورسەتۋ مەملەكەتتىڭ باسىم مىندەتتەرىنىڭ ءبىرى ەكەنىن ەرەكشە اتاپ ءوتتى. ءبىز مەديتسينا قىزمەتكەرلەرى مەن ناۋقاستارعا قولايلى جاعداي جاساۋ بويىنشا جۇمىستى جالعاستىرامىز. الداعى جىلدارى استانادا بىرقاتار دەنساۋلىق ساقتاۋ نىسانىن، ونىڭ ىشىندە پەريناتالدىق ورتالىقتار، ەمحانالار، كوپبەيىندى اۋرۋحانالار، ولاردىڭ ءبىرى – بالالار اۋرۋحانالارىن سالۋدى جوسپارلاپ وتىرمىز»، - دەپ جازدى استانا اكىمى.

اشىق دەرەككوزدەردەن