كەزدەسۋلەر بارىسىندا بيزنەس، مەملەكەتتىك قۇرىلىمدار جانە سالالىق قاۋىمداستىقتار وكىلدەرىمەن ەكسپورتتىق اكسەلەراتسيا باعدارلاماسىنىڭ نەگىزگى باعىتتارى تانىستىرىلدى. QazTrade ماماندارى قاتىسۋ شارتتارى، حالىقارالىق نارىقتارعا شىعۋ مۇمكىندىكتەرى، مەملەكەتتىك قولداۋ شارالارى جانە وتاندىق ەكسپورتتاۋشىلارعا قولجەتىمدى قۇرالدار تۋرالى ەگجەي-تەگجەيلى ايتىپ بەردى.
ءىس-شارا قاتىسۋشىلارى ەكسپورتتىق الەۋەت، سەرتيفيكاتتاۋ، لوگيستيكا جانە شەتەلدىك نارىقتارعا ماركەتينگتىك ىلگەرىلەتۋ ماسەلەلەرى بويىنشا جەكە كەڭەستەر الدى. سونىمەن قاتار، قازاقستاندىق كاسىپورىنداردىڭ ونىمدەرىن ەكسپورتتاۋ كەزىندە كەزدەسەتىن كەدەرگىلەر مەن سىن-قاتەرلەر، سونداي-اق QazTrade قولداۋىمەن ولاردى ەڭسەرۋ تەتىكتەرى تالقىلاندى.
«ەكسپورتتىق اكسەلەراتسيا-2025» روۋد-شوۋى QazTrade-ءتىڭ وتاندىق كاسىپورىنداردىڭ ەكسپورتتىق الەۋەتىن دامىتۋعا، ولاردىڭ حالىقارالىق نارىقتارداعى باسەكەگە قابىلەتتىلىگىن ارتتىرۋعا جانە قازاقستاننىڭ شەتەلدىك سەرىكتەستەرمەن ساۋدا-ەكونوميكالىق بايلانىستارىن نىعايتۋعا باعىتتالعان نەگىزگى باستامالارىنىڭ ءبىرى بولىپ تابىلادى.
وڭىرلەردەگى كەزدەسۋلەر سەرياسى بيزنەستىڭ باعدارلاماعا دەگەن جوعارى قىزىعۋشىلىعىن كورسەتتى جانە شيكىزاتتىق ەمەس ەكسپورتتى دامىتۋداعى مەملەكەتتىك قولداۋدىڭ ماڭىزدىلىعىن ايقىندادى. QazTrade قازاقستاندىق كومپانيالاردى حالىقارالىق نارىقتارعا شىعارۋ جولىندا سۇيەمەلدەۋ جانە ەكسپورتتىق كەدەرگىلەردى ەڭسەرۋدە قولداۋ كورسەتۋ بويىنشا بەلسەندى جۇمىسىن جالعاستىرادى.
