"Eksporttyq akselerasiia-2025" roud-şouy aiasynda ıs-şaralar seriiasy öttı

"Eksporttyq akselerasiia-2025" baǧdarlamasy aiasynda "QazTrade" sauda saiasatyn damytu ortalyǧy" AQ qyzmetkerlerı Pavlodar, Aqtöbe, Soltüstık Qazaqstan, Şyǧys Qazaqstan, Abai, Qaraǧandy, Jambyl oblystarynda, sondai-aq Şymkent jäne Almaty qalalarynda bırqatar ıs-şaralar ötkızdı.

Kezdesuler barysynda biznes, memlekettık qūrylymdar jäne salalyq qauymdastyqtar ökılderımen eksporttyq akselerasiia baǧdarlamasynyŋ negızgı baǧyttary tanystyryldy. QazTrade mamandary qatysu şarttary, halyqaralyq naryqtarǧa şyǧu mümkındıkterı, memlekettık qoldau şaralary jäne otandyq eksporttauşylarǧa qoljetımdı qūraldar turaly egjei-tegjeilı aityp berdı.

Is-şara qatysuşylary eksporttyq äleuet, sertifikattau, logistika jäne şeteldık naryqtarǧa marketingtık ılgerıletu mäselelerı boiynşa jeke keŋester aldy. Sonymen qatar, qazaqstandyq käsıporyndardyŋ önımderın eksporttau kezınde kezdesetın kedergıler men syn-qaterler, sondai-aq QazTrade qoldauymen olardy eŋseru tetıkterı talqylandy.

«Eksporttyq akselerasiia-2025» roud-şouy QazTrade-tıŋ otandyq käsıporyndardyŋ eksporttyq äleuetın damytuǧa, olardyŋ halyqaralyq naryqtardaǧy bäsekege qabılettılıgın arttyruǧa jäne Qazaqstannyŋ şeteldık serıktestermen sauda-ekonomikalyq bailanystaryn nyǧaituǧa baǧyttalǧan negızgı bastamalarynyŋ bırı bolyp tabylady.

Öŋırlerdegı kezdesuler seriiasy biznestıŋ baǧdarlamaǧa degen joǧary qyzyǧuşylyǧyn körsettı jäne şikızattyq emes eksportty damytudaǧy memlekettık qoldaudyŋ maŋyzdylyǧyn aiqyndady. QazTrade qazaqstandyq kompaniialardy halyqaralyq naryqtarǧa şyǧaru jolynda süiemeldeu jäne eksporttyq kedergılerdı eŋserude qoldau körsetu boiynşa belsendı jūmysyn jalǧastyrady.

Bölısu
Oqi otyryŋyz