پوليتسيانىڭ مالىمەتىنشە، ەر ادام ماس كۇيىندە بۇرىنعى جۇبايىنىڭ ۇيىنە كەلىپ، ونى بالاعاتتاپ، پسيحولوگيالىق قىسىم كورسەتكەن. بۇل ارەكەتتەرى وتباسىلىق-تۇرمىستىق قاتىناستار سالاسىنداعى قۇقىققا قارسى ءىس-ارەكەت رەتىندە تىركەلدى. ۋچاسكەلىك پوليتسيا ينسپەكتورى وقيعا ورنىنا جەتكەندە، ءتارتىپ بۇزۋشى كوشەدە دە، پوليتسيا پۋنكتىندە دە جانجال شىعارىپ، اينالاسىنداعىلارعا قۇرمەتسىزدىك تانىتىپ، قوعامدىق ءتارتىپتى ورەسكەل بۇزعان. ءبىر جىلدىڭ ىشىندە بىرنەشە رەت ۇساق بۇزاقىلىق جاساعان ازاماتقا قاتىستى اكىمشىلىك حاتتاما تولتىرىلىپ، ماتەريالدار سوتقا جولداندى. سونىمەن قاتار ول سوت شەشىمىمەن بەلگىلەنگەن قورعاۋ نۇسقاماسىن، تارتىپكە سالۋ تالاپتارىن جانە الكوگول تۇتىنۋعا سالىنعان تىيىمدى ەلەمەگەن. سوت شەشىمىمەن قۇقىق بۇزۋشى 20 تاۋلىككە اكىمشىلىك قاماۋعا الىندى. پوليتسيا قىزمەتكەرلەرى مۇنداي ارەكەتتەرگە جول بەرىلمەيتىنىن جانە قۇقىق قورعاۋ ورگاندارى تاراپىنان ءاربىر زاڭ بۇزۋشىلىققا ءتيىستى قۇقىقتىق باعا بەرىلەتىنىن ەسكە سالادى.

اقپارات كوزى Polisia.kz